Day 4 (a) 東港+墾丁海生館

今天入墾丁, 順路先去東港魚市場看大魚拍賣.

10:30  抵達,  咁啱仲有魚穫下船, 好多隻船都係賓仔幫手!

買手選貨, 規模細細都叫見識下, 魚穫唔算好大條

魚鰭魚尾切走晒, 呢堆最值錢或最平?

應該有個街市買海鮮, 仲有海鮮檔, 魚生檔食野架, 門口附近唔見, 原來嚮最入果樹.

太早, 得幾檔營業

可愛麵包蟹~

買名產櫻花蝦, 剛巧有香港人買緊, 佢話只得日本靜岡和台灣東港有櫻花蝦,之前日本食櫻花蝦餅, 我仲以為係指樹上既櫻花, 哈~哈~

東港4月尾至6月有黑鮪魚, 當然要食番件, 有檔寫住黑鮪魚, 我問係咪真係有黑鮪魚, 老闆話係, 仲問要普通部位或靚D, 一場黎到當然食好D, 佢開雪櫃拎左舊魚出來, 油脂多過下圖呢批.

件Toro普通牛扒咁大件, NT 2800, 一晚房價錢, 大小姐猛話好食, 除左幾件有小小根之外, 又幾好食既!

後尾發現原來老闆講大話, 過幾日睇報紙得知第一條黑鮪魚在4月27日先埋岸拍賣. 咁我地係食左碟冰左一年既黑鮪魚定普通鮪魚呢?

繼續開車去墾丁, 途經蓮霧產地, 好平, NT100 有7隻, 大大隻, 仲送兩隻試食, 好爽甜.

再揸個零鐘抵達墾丁, 趕時間去海生館, 所以在大路口間屏東牛吃牛肉麵,  呢間係恆春老店分舖, 網評話好食過對面三學士果間, 果然好濃牛肉味, 正!

14:00逛海生館, 門票NT 450, 小童NT250. 民宿或agent 買票平D架, 但係我地無時間特登去買, 但每2張全票送相片鎖匙扣, 咁都抵番小小.

整完鎖匙扣就正式參觀. 都好大. 我地仲教啱時間睇海豹, 企鵝和水族館餵食

幾層樓高既海草

土耳其雪糕, 網評話好食, 又係見仁見智囉, 朱古力味好小小, vanila無味, 口感更...

門口有售飛魚乾, 鮪魚乾, 買左D做手信.

到17:00先離開.