早上遊覽打狗英國領事館, 我們又做伸手派, 落車點是中山大學, 旅行團都在此下車, 跟住要行條長命斜, 右手邊就是起點
不行斜路可以走樓梯, 不過上到半路才見到, 這條樓梯是地標之一, 早點見到我一定行樓梯.
上完長命斜, 一入眼圈不是領事館, 而是間廟.
還有電子簽, 團友竟然有興趣求番支.
打狗英國領事館…個名係咪好攪鬼, 打狗其實是高雄舊稱.
影相幾靚
皇冠郵筒, 好耐無見~~
很喜歡紅磚白門~
户外有茶座~
海面經常有大船經過~
行完就沿另一條山路落山, 有個牌指示XX橋條路就對, 到達海邊就是這個路口.
對面就是條新橋, 有了這條新橋, 由領事館去鼓山渡輪站就近好多, 無需兜大圈.
到了渡輪站前, 我們先去海之冰吃冰
大大碗, 2人份量咋, 足4人享用. 4人份量大到似筲箕.
11:30左右，坐船去旗津. 下層入機車, 上層坐人, 船班好密, 船程只需幾分鐘,吹吹風, 影張相便落船了.
一上碼頭好多單車店, 大小姐已經吵住要租車, 我想睇定D都唔得. OK…租啦,租啦, 小姐堅持租單車, NT 100一日, 我同阿E就坐雙人電動車, 舒舒服服, NT400兩小時, 之後每一小時NT 100.
旗津都幾大, 設有單車徑, 沿途風景好靚, 踩單車遊旗津就最適合.
風車公園
又長又直的單車徑, 見唔到盡頭, 都踩左好遠, 折返啦!
爸爸踩踩下偷懶, 拉住電動車行, 大小姐有樣學樣但技術差幾皮, 終於炒車PK收場, 擦傷腳.
回程我們去萬二吃午餐, 大排檔格局, 但室內有冷氣
自助形式, 先買餐券, 用唔晒可以退還
拎住餐券就可以選食物, 熱盤是即炒
五餸一湯, 白飯任裝, 除了碟蝦NT150之外, 其他都是NT 100一碟, 蝦新鮮爽口,餸菜味道都唔錯, 呢餐NT 650咋! 旗津仲有間萬三, 形式差不多, 網評就推介萬二, 真係無介紹錯！
食完繼續踩
沙灘係黑沙
海灘這邊有座街市物體, 入去八下, 全部都賣魚鬆, 我們唔食, 睇下買杯飲品就閃!
回海鮮街, 有間天后宮~
炎哥烤小卷(尤魚)….超好吃!
還車後就上燈塔和炮台, 原來燈塔16:00關門, 剛好錯失時機.
天氣轉好, 85大樓清晰可見~
炮台這邊好靚, 還可以望海.
到17:30，我們先坐船離開。玩完一天一身汗, 決定先回酒店梳洗。上了船，爸爸問隔離隻船去邊？係喎，唔係預算去遊愛河咩！隔離隻船去真愛碼頭，算啦，今日都玩夠，無力喇！仲有, 我們無去星光隧道, 忘記了!
魚丸爽口彈牙~
食完搵好朋友小黃返酒店休息.
19:00 再出動, 沿途見粉紅貓店舖, 二話不說入了去, 店員熱情招待, 其實間店尚未正式營業, 店員執緊貨. Sorry! Sorry!
繼續行去我們的目標….大立精品館?
No! No! No!
是這間Wachifield~made in Taiwan, 平日本好多, 磨左成個鐘, 大出血! 爸爸在門口長椅瞓著左, 哈~哈~
呢款係溫泉蛋, 包住細細隻公仔, 掉隻蛋落浴缸, 粉溶左就會浮隻公仔上水面, 每包一款, 共6款
我地呢3隻唔錯吖
終於都到晚餐時間…老四川麻辣火鍋, 好好生意, 昨天打電話預定, 只訂到20:30時段, 碟碟好大碟, 想試多幾味都唔得, 仲有碟綜合疏菜無影, 足一棵高麗菜, 食極食唔完, 味道…合格啦, 都係鼎王好味D. 共NT 1850.
之後散步到美麗島站影光之穹頂, 由義大利國寶級藝術大師Maestro Narcissus Quagliata創作出的圓頂作品, 光之穹頂由『水、土、光、火』四大主題組合而成
站內仲有3D畫~
美麗島站一出便是六合夜市, 這夜市相對冷清, 短短一條街, 只得遊客在逛，食品都貴D。
食了魚丸(普通), 胡椒餅(難食), 最OK係木瓜奶
見水餃想試, NT4一粒, 尚飽, 5粒吖唔該! 最少買10粒… 咁, 大家努力D。 想坐低食, 堂食最少每人要xx粒… 吓! 咩生意手法, 你有客我就阻住你啫, 宜家都無客, 唔食, 閃! 大小姐街尾掃多條香腸先搵小黃。
沒有留言:
張貼留言