港龍飛高雄的航班是細機, 好唔掂, screen矇矓一片, 我們訂了水果餐和兒童餐, 兒童餐好難食, 正常餐是點心, 唔知好唔好味呢?! 還好航程只需個半鐘, 10:30已經抵達高雄.
先去酒店check in, 高雄捷運直達機場, 快捷又便宜, 由小港機場站坐到中央公園站只需十多分鐘.
幾個捷運車站都出自名家手筆, 包括中央公園站, 上望似太空船, 酒店離車站約15分鐘步程, 行幾條大直路先到.
高雄市政府鼓吹單車行, 路上擺放單車讓人租借.
途中經過城市光廊, 夜晚會有燈光, 公園入面會有餐廳飲酒聽歌.
市中心旺區, 還是矮樓房~
路上仲見到九乘九文具店, 幾層樓高, 文具好平, 一包5舊擦膠只需NT19, 大小姐仲唔掃貨咩!
終於抵達玫瑰森林時尚旅館, 旅館是由舊旅館翻新, 睇報紙講老闆金融風暴時以低價5千萬台幣買來重裝, 生意不錯!
圖中白色樓房就是酒店
Lobby 細細, 擺了兩張梳化
仲有單車免費借出予住客使用.
酒店細細一樣有健身中心, 但只得三樣設備: 單車, 騎馬機和跑步機. 但都夠大小姐玩! 尚有商務中心免費提供電腦上網, 房間亦可連線上網.
各樓層一樣的. 我地住02號4人房, 06係3人房, 無浴缸, 01係2人房有大浴缸, 其他係2人房但無浴缸.
四人房好大, 完全和網頁照片一模一樣, 最欣賞個浴缸, 夠大設計又好, 浸得好舒服, 窗就只得浴室一隻, 房入面D窗原來係玻璃.
順便講埋早餐, 餐廳佈置富鄉村風味, 很溫馨!
超貼心設計, 貼牆一邊是直角, 外露一邊修了弧圓~
咖啡紅茶自己來~
食物簡簡單單, 都幾好味, 續住仲有不同配搭, 但我地都係覺得煙肉+三文魚的配搭最好味, 份量睇落唔多, 食落都好飽.
好味厚多士, 自己拎去多士爐焗~
奶酪~
呢杯有機番茄, 第一日額外招待~
之前講過酒店離車站約15分鐘步程, 如果經常使用捷運出入, 會非常不便, 但我地主要坐的士, 交通唔係問題!
台灣的士平到笑, 搭幾程都係NT100-200左右, 4人share好過坐捷運; 司機仲好好禮貌, 唔兜路, 落車多謝前多謝後, 不過佢地十之八九都似揸開F1出身, 開得好快, 有次夜晚坐車, 斜路快到個人都飄起!
如果開車就停在門口留車匙, 超方便, 圖中就係我地遲D租部座架.
四人房連早餐平均只需$700港幣一晚, 星期六貴小小. 整體上很滿意, 如果要挑剔, 就是房間窗户不足, 開門一刻有霉味, 入房開冷氣才清散.
可經agoda訂房.
沒有留言:
張貼留言