今天去台南, 選擇租車開去. 上網睇, 比較多人租宗禾, 格上及和運. 格過價, 3間差幾十蚊左右, 宗禾平格上小小, 格上又平和運小小, 選了格上, 因為全國性, 有咩事保險好過宗禾, 1500cc, 打75折, 折實NT1688一日, 超時一個鐘另收NT168, 超6小時當一日計算. 訂3天以上免費提供GPS, 記得訂車時要提出, Email訂車, 拿車時信用卡付款..
選了佐營高鐵站分店取車, counter位於高鐵站內, 好易搵, 15分鐘攪掂手續,學埋點用GPS, 可以入地址或經緯度, 格上一早設定常去景點及餐廳, 搵地方就更容易, 但個GPS 尺寸太細, 睇起來有點辛苦.
訂yaris, 俾左架honda fit, 仲好, hatch back 多d位放行李.
10:15, 開車喇, 架車只有小小油, 第一件事搵油站. 車店職員教左點去, 但出馬路轉左轉右, 轉到唔知嚮邊, 唯有自己兜下, 好彩好快搵到間油站, 打爆吖唔該, NT1040.
油站職員問入唔入會, 初初覺得無咩用, 原來入會可以儲分有野送, 簡單填張表就有會員卡, 問職員我地宜家可以換咩? 拎左一大舊抺手紙出黎, Oh, no! 有無其他野, 水Ok? Ok! 一送就10枝, 後來咁啱墾丁入油又係呢間Smile, 又有水送, 間間住宿又有水提供, d 水飲到走都仲有.
入滿油go go go啦, 高雄到台南, 一個鐘左右, 可以行highway, 油站轉個彎就是highway, 好快就抵達台南.
先去食個早小小既午餐, 首選至出名的擔仔麵, 度小月台北食過, 於是選了赤崁擔仔麵
唔…比度小月大碗, 但度小月好味d
肉燥飯就very good
跟住去買煎餅, 呢間連得堂好巴閉, 現場只賣原味和味噌兩種口味, 每人限購兩包, 其他海苔等口味要團購, 等半年先有! 現場所見得一個人手工制, 難怪等咁耐, 試食真係卜卜翠, 老闆都好人, 知我地咁遠水路黎, 賣多幾包俾我地.
下一站:海安路藝術街, 因為工程震爛舊樓, 爛樓又化為旅遊景點
男女的衣著好唔協調
向安平老街進發, 途經周氏蝦卷, 自助形式, 買多買小隨意, 啱晒我地咩都想試, 呢d先係待客之道!
蝦卷+魚丸, yummy!
隔幾個舖位是依蕾特布丁, 又唔放過, 買了原味, 杧果, 紅豆, 朱古力各一, 前兩者好味d.
到了安平老街, 泊好車, 先遊安平樹屋, 老榕樹落地生根, 枝葉繁衍, 好壯觀!
隔離仲有間舊商行, 維修差左d.
行完又到開餐時間, 安平同記豆花
一紅一綠, 好滑! 仲有綠茶雪花冰, 睇樣好正, 可惜食唔落.
到老街逛逛~
老街間7仔, open將產品好齊
仲有劍獅造型, 劍獅係安平的守護神, 到處可見.
陳氏蚵卷…飽都要試, 蚵卷+燒蚵, 好多人都將蚵卷和蝦卷比較, 我地就覺得兩樣都好食, 熱熱地食最美味!
15:30, 比原訂時間遲, 走喇, 仲要去附近睇鹽山. 台灣舊時有產鹽, 宜家停產,但保留及改為旅遊設施.
30分鐘車程到了七股鹽山
唔洗懷疑, 真鹽…唔係石屎. 仲有鹽業博物館, 沙灘車, 小火車..
鹽冰棒…都係甜甜地, 叫做試下啦!
勁大隻鵝蛋, 食落就麻麻地
下一站北門井仔腳瓦盤鹽田, GPS定唔到位, 睇幅簡單地圖, 好彩都搵到, 台17見泰安宮牌坊轉入去就對.
呢度d鹽雪白好多
兩父女玩堆鹽
第二個小"鹽"丘就係佢地堆出來
呢度日落好靚架, 好多拍友專程到來, 可惜今日多雲, 唔夠紅, 以下呢幾張是相機特別效果黎架~
回台南市中心再掃台灣第一: 花園夜市, 真係好大, 人流多但又未致於行唔旭
以下呢幾檔推薦~~
碳烤雞扒, 炸完再塗醬汁燒, 好味過豪大雞扒, 呢檔已經唔係最多人排, 都好好味, 後尾見到一間更好生意!
蚵仔煎, 讚!
呢檔腸仔超正, 腸仔王大小姐掃均大小夜市街邊檔, 呢檔最好味, 拍得住黑橋牌!
除了小食, 仲有抵玩遊戲攤檔
波子機, NT 20, 玩了45分鐘
好耐未坐過Low B機, 幾開心~~
呢D我地就睇下算~
又食又玩3個鐘, 4人只花了約NT 1000.
台南較預期好玩, 尚有四草綠色隧道, 赤崁樓, 平安古堡, 孔廟….玩耐d都得.
23:30 回到高雄, 酒店附近有苓雅夜市, 南豐魯肉飯好出名, 忍唔住食碗先瞓.
今日小食多餐, 好滿足!
沒有留言:
張貼留言