之後返回高雄還車, GPS set了home, 襟一下就識得帶我地返左營站格上, 好方便, 2小時左右就到.
轉專車入義大, 車站就在格上附近, 一小時兩班車, 專車是旅遊巴, 幾舒服.
一直開往郊外, 20分鐘車程就到義大皇冠酒店, 我地會住兩晚. 酒店開幕一年左右, 很新.
直接在官網訂了套票, 小朋友身高140cm算大人, 一間房可以住4人. 包住宿, 義大樂園門票, 自助早晚餐, Deluxe room 4人共NT12760; 第二晚淨房NT4620.
間房和張床都算大, 但同之前酒店相比, 又細左D.
各樣都幾好, 但toilet有異味, 污水系統設計問題??!!
外望景觀
另一間酒店...義大天悅, 較皇冠便宜
時間尚早, 去了泡三溫暖和游水, 記得要帶泳帽. 三溫暖似日式溫泉, 要除晒衫浸;
室內水世界則有各項水力按摩設備, 超讚! 溫水..全年有得玩!
見唔見有幾支強馬力水槍?
室外泳池則有長長滑水梯, 大人都覺得好玩.
晚上在酒店食自助餐, 食物種類唔算多, 味道OK啦, 每人送半隻龍蝦! 記得冷盤大蝦好新鮮, 甜品幾好味, 雪糕係movenpick, 熱盤無印象, 因為我通常唔食; 大小姐就主力幫襯麵檔和甜品枱.如果散買一位NT935, 都算抵食!
每晚19:00至22:00餐廳外有音樂噴泉, 台灣人都幾欣賞個音樂噴泉, 一到19:00就出晒去, 餐廳剩下一成人左右, 啱晒我地慢慢食.
食完豐富晚餐就去了games room伸展下, 有健身室, 小朋友波波池, 電子遊戲機,枱波, 乒乓球…好多野玩.
房間對正麼天輪, 一入房便七彩繽紛.
加影第二朝早餐
食物種類算多, 其中見到幾個蒸籠, 諗住食番件蝦餃燒賣, 點知係農家三寶: 蕃薯, 芋頭, 粟米.
好彩仲有我至愛西式四寶, 咖啡機Latte都唔錯.
整體上, 義大皇冠都住得過, 樂園又點樣呢? 請留意下一回.
沒有留言:
張貼留言