10:30 check out.
早上玩高卡車, NT100玩7分鐘, 大小姐不可單獨開, 要和爸爸一齊坐雙人車,玩完爸爸獨自再玩一次.
其實跑道很短, 一直不斷兜圈.
之後到後碧湖, 我地一直揸到出水口, 視察環境. 天好藍, 環境好靚, 有人釣魚,有人緊玩水上活動, 又有好幾檔出租浮潛用品.
我地自己有潛鏡, 爸爸和大小姐做先頭部隊試水溫, 水有點冷, 水底都好靚, 但岸邊多石, 一定要著鞋. OK...決定租浮潛裝備, 潛水衣+潛水鞋+救生衣+潛鏡,一套NT250. 爸爸租潛水鞋及蛙鞋NT150. 阿E未玩過, 浮潛裝備連教練NT350.
原本諗住墾丁人多, 海底不及泰國, 菲律賓等地, 原來海底好靚, 仲無死珊瑚,魚類品種亦算多但數量普通.
有樣唔好就係大浪, 水流較急, 可能季節問題. 玩左個零鐘已經拋下拋下, 要埋岸休息, 留底爸爸獨潛.
玩到14:30, 沖身後返回後碧湖吃遲來的午餐.
非常肚餓, 一入內見阿興生魚片, 二話不說立即坐低, 點完菜仲要提老闆娘上菜要快.
大大碟生魚片NT200咋, 仲好新鮮, 大小姐話東港toro好味D, 我都知吖! 唔計份量, 價格都相差14倍!! 呢餐共NT1250.
話說餐飯有段小插曲: 照習慣, 我影底每道菜做記錄, 大小姐有樣學樣, 佢會用防水機影, 菜上枱, 佢好自然問我拎防水機, 唔嚮我度喎, 爸爸話沖完身臨走叫我拎, 都話唔嚮我到, 我無拎喎, 爸爸面如死灰, 拿拿聲開車回出水口, 原來留在海灘邊, 好彩無咩人, 搵得番.
食完飯影下呢度環境, 似冷氣街市
呢D叫飛魚, 好大條架, 黃色炸粉嚇人D…
另一端係輝哥, 其實呢度有幾間店, 但香港人唔係食阿興就係輝哥.
吃完飯, 到後碧湖浮潛, 時間所限, 最多玩45分鐘左右, 我懶換衫放棄無落水,只得爸爸和大小姐玩. 爸爸話呢邊靚D, 又比較多魚, 聽完有D後悔無落水添!
去番出水口沖身及還用品.
之後去貓鼻頭
就係呢舊石, 似隻貓嗎?
再去白沙灣, 日落時分, 好靚.
睇資料知道星砂灣有星沙, 所謂星沙其實係一種貝類死後留底的外殼, 好似星星, 趕到去星砂灣, 天開始黑, 搵左陣咩都搵唔到. 閃!
沒有留言:
張貼留言