逢星期日早上Gaya Street 有Sunday Market，吃完早餐便去了趁熱鬧。好多檔仔，乾濕貨都有，除了遊客，當地人亦不少。
Gaya Centre Hotel真係幾抵住， 新淨兼地點方便，隔離就係Suria Mall及公眾碼頭，HK$200左右一晚雙人房仲包埋幾好味的早餐，房間大小適中，最大缺點係浴室抽氣差，水氣重，好易發霉菌。
原定今日去玩激流，順便轉酒店，但滿額要改明天。ＯＫ無問題，今天先去Mamutik。
8:30am食早餐，今朝個天藍D，希望有運行．早餐有煎蛋、腸仔、炒麵，腸仔無人食，大家都係煎蛋＋炒麵．同May 講午餐唔好再出腸仔．
晨早附近餐廳未開門，劉先生話買麵俾我地做早餐，Tour 8:00am黎接，咪約劉先生7:30am大堂等，食埋麵先出發．遲左小小7:45am先落到去，點知Tour都黎埋，唯有上車食，超好味义燒炒斗阿蘭麵，仲熱架，外賣膠盒都好靚！
今次行程差d得三口出發，好彩人家老爺平平安安，六人組如期出發．
