D3 美人魚島

8:30am食早餐，今朝個天藍D，希望有運行．早餐有煎蛋、腸仔、炒麵，腸仔無人食，大家都係煎蛋＋炒麵．同May 講午餐唔好再出腸仔．

照昨天時間表，最快都要11am等客入島先有船出海浮潛，我地自己行番去昨天的Gugong Beach，呢邊海面平靜D．嚮近岸浮潛玩左一陣，麻麻地啦，有魚有珊瑚，但唔靚，我見到雞泡，爸爸見到海蝸牛和龍蝦，算小小驚喜．



今日遲左，差不多11am先有遊客登岸，有過百位入島，九成係強國人，人多手腳慢，跟住陸陸續續有船埋岸．天氣亦漸漸變差，下起雷雨，愈落愈大，跟住又要等雨停，出海時已差不多12:30pm.

去了另一潛點，此處出奇地風平浪靜，海底和昨天差不多．
玩了45分鐘，天色又變暗，上船回Resort．跟住整個下午雷雨無停過，真係又冷又餓．

執好行李退房吃午餐，沙灘太多人，約30名day tour遊客到了Resort午餐，佢地都好彩，起碼有瓦遮頭，沙灘果邊又大風又得兩個涼亭仔，更悽涼！但係我地就唔好彩，同班蝗蟲一齊開餐，好快就盤盤清．有遊客講，原本訂昨天入島，但因天氣差取消改今日，誰知今天天氣更差，冒雨來冒雨走，玩得一陣，唉！

3:30pm開船離開，去到大陸碼頭先換回乾衣服，有熱飲／炸香蕉提供，暖一暖身！專車送返Tune, 一車得我地六人加埋阿May.

整個行程兩日一夜，連食、住、浮潛、接送，成人RM500 (HK1250) 小童RM300 (HK$750), 一點都不便宜，如果天氣好，每日兩浮潛，夜晚睇下滿天星斗，尚算可以一去，如今落雨，再加上第二天在Mamutik Island發現一片媲美美人魚島的珊瑚礁，應該不會再花錢花時間去美人魚島，亦唔建議人去．抵酒店差不多6pm.最舒服就是沖個熱水涼．

晚餐去了附近一間叫芙蓉燒蟹海鮮村，位置在1 Borneo Mall 馬路對面， Tune Hotel 果邊再往前走幾分鐘．

點了魚鰾羹、梅子炸雞、白焯蝦、炒菜、2隻大蟹（2隻蛋白蒸，2隻燒）， 大蟹價錢較市中心雙天等便宜．連飲品RM323 (HK$810)．

燒蟹賣相一般但真係好得～



呢度桔仔水攪碎架，味道更濃，之後去其他餐廳點桔仔水叫店員＂打碎＂。



Tune Hotel側有燒雞翼及粉麵檔，又買了燒雞翼吃！



回到1 Borneo Mall已經9pm，兩位小姐立即去類似冒險樂園的室內遊樂場玩，車厘子竟帶埋三年前張會員卡，厲害！



10pm所有店舖關門，連麥當當都打烊，仲諗住食杯雪糕添，唯有去便利店買雪條；買左戲票睇11pm場次“喜上加喜” RM10 (HK$25)咋，好抵睇！尋晚太悶，今日用盡D！哈哈～～