D6 Sunday Market

逢星期日早上Gaya Street 有Sunday Market，吃完早餐便去了趁熱鬧。好多檔仔，乾濕貨都有，除了遊客，當地人亦不少。




行到咁上下，去了怡豐吃叻沙及牛雜，好好味！



原來怡豐廚房果邊面向Atkinson Clock Tower

再去馮業吃咖央多士／拉茶，麻麻地，富源好味Ｄ。



仲有時間，行多陣Suria Mall。

12pm Check out。劉先生又來接我地。去了美金香買豬肉乾，再去美麗華超市對面海產店買急凍老虎蝦及鮑魚，再買左Ｄ乾海參及元貝，大出血。

劉先生介紹我地到市郊的國民茶室總店吃麵，1:30pm魚滑及七星魚片賣晒，點了鮮牛肉及鮑片麵，都好好食，特別是撈麵配埋醬油，好正！麵條係自家打架！

食完仲有時間，去Magellan Sutera Resort影下相。最後一日，天氣最好。



2:30pm抵機場，入了禁區先買雪條，RM20.9一盒，都係貴市區小小，但要RM3買個海關透明袋，明搶錢，好過份。諗過收埋三盒入揹袋算數，最後都係豪俾佢！

4:30pm準時起飛。

總結頭兩日落雨，影響左對美人魚島的印象；Papar激流一Ｄ都唔激；Mamutik雖然人多但平靚正；好幾間出名食店都試勻；游水海鮮豐富又好食；so far都滿意今次行程。最後都係多謝劉先生，安排行程，車出車入，收費合理，仲送左兩大袋桔仔／青檸俾我地，多謝晒！