Day 6a 網走破冰船

Day 6 今朝行程要捉緊時間, 因為訂了9:30碎冰船!

拎埋行李上車先食早餐, 尋晚下了雪, 要先掃雪才可開車.

民宿早餐時間是7:40, 尋晚已經要求07:30食早餐, ok無問題, 今朝我們是第一批入場, 已經放好食物, 其他住客亦陸續進場. 早餐又是好豐富,有魚子, 海膽, 燒帶子, 仿似晚餐的份量. 吃足30分鐘我們才開車離開.

仲有杯熱牛奶, 飲到一肚水~~

開車喇, 天氣好好~~

08:50 抵達網走碎冰船碼頭, 船票一早已上網預定, 抵達時提供登記編號及付款, 票即到手.

09:00開始上船, 距離開船時間尚早,我們佔了好座位! 由於全船爆滿, 另一隻船同時開航.

一開航就見到隻海豹瞓嚮流冰上, 再行一陣, 已經是一遍冰海, 大部分人都站出船邊看破冰, 我們亦不例外. 破冰喇.....都幾大舊冰, 真係好開心呀! 船上仲有人餵海鷗, 唔…我都唔記得買蝦條, 佢地好好人, 分左d俾我地餵, 但d海鷗得太快, 好難影到啄食一刻!

話咁快就回程, 回航時d人又走番入船艙, 呢個時候, 神奇事件發生了.話說人人出左去睇流冰, 咁座位係自由席, 見位就坐好平常, 前面對情侶馨馨我我之際, 有人示意要拎番件外套, 女的起身後, 位爸爸立即叫囝囝坐落去, 我地同對情侶眼都突, 回航都係5分鐘啫, 況且附近仲有空位!

10:30 落船後又玩流冰漫步, 一早email 訂左. 接我地架車遲左小小, 擔心左一陣! 同時有另外2位香港人, 6位台灣人一齊玩, 佢地坐van, 我地坐番自己車跟住去.

去到網走駅至北濱駅中間, 近網走海鮮市場落車. 大家先換上wet suit,著埋自己衫入去, 過程都要經一番努力先著到.

之後大隊就向冰海進發. 大家都非常興奮, 搏命擺pose影影影, 其中有兩三次可以落水, 大家更珍惜機會影影影!

話就話一小時, 但連埋著衫除衫, 玩左都係30分鐘左右, 5000yen一位, 都幾貴, 同團香港人經網走酒店訂, 聽到話"2百幾蚊架, 要影多d相", 咁咪平好多?! 唔知有無聽錯呢!

玩完順理成章去了北濱駅, 駅內貼滿名片, 我地貼左登機証, 以示支持!支持!

此時流冰號剛巧到站, 車上人人跑下車到展望台, 我地就走了上車影相,連乘車紀念相架都影埋, 賺到了!

岸邊流冰~

跟住遊埋冷清的白鳥公園, 好凍又禽流感, 無遊人!

去了鮨月吃壽司

外貌似公厠嗎?

間店係大小姐指定要去,因為呢度點餐好先進, 用touch screen mon

仲有款兒童啤酒, 雖然味道似蘋果汁, 但扮下野飲番杯都好呀!

除了壽司, 仲有串燒同網走和牛, 整體味道唔錯, 共8500yen, 推薦!

鮨月附近有Uniqlo又有超市, 買左枝汽車用水, 車窗經常結冰, 噴水噴得好密, 入水唔可以用普通水, 要買防結冰款式, 便利店及超市有售.

原計劃回到札晃還車, 但揸車實在太方便, 於是去了網走mazda店改一改, 租多兩日, 空港店先還車.

攪好晒15:40才開車往層雲峽. 沿途多車, 開得好慢, 過左留邊蘂駅, 車小d, 爸爸踩到盡, 突然紅光一閃....影快相…影左…咁點算…有咩點算,都影左囉, 俾錢囉. 度度唔影, 山卡拉地方先影, 咁奇怪, 跟住上石北峠,路彎又結冰, 想開得快都難, 影快相, 係咪警號咋, 叫人行慢d, 我地一路自我安慰, 一路小心開車, 還車時沒有收到告票, 莫非正如我們所料…