Day 5 早上再泡一次湯才吃早餐! 鶴雅的早餐好豐富, 連意粉都有, 沙津就最正, 去多次日本, 今次食得最多疏菜喇!
上頂樓圖書館, 可以望見阿寒湖全景
臨走幫襯大堂流手間, 靚到呢!
Check out 後先去隔壁的愛奴族村拍照, 昨晚相機無電未影!
10:00出發, 經阿寒橫斷公路往摩周湖, 早上天氣仍然良好.
好鍾意佈滿冰雪的樹.
11:10 輕易便抵摩周湖.
睇完摩周湖開始落雪, 到硫磺山時d雪打橫吹埋黎.
到川湯駅Orchard Grass吃午餐及避雪. 等食期間仲去了浸足湯.
Orchard Grass的燴牛肉飯非常美味, 推薦!
仍然下大雪, 砂湯好冷清, 我們找賣麵包機, 搵唔到, 無得餵天鵝.
停留一回便去古丹溫泉, 當時正有對中年日本夫婦浸緊, 佢地盛意邀請我地落水, 呢度有間木屋仔換衫,關上門可以擋一擋風. 高速換泳衣落水, 一落左水就唔凍喇, 漂雪下浸溫泉, 冰火兩極, 仲有天鵝相伴, 勁正!
原來對日本夫婦來自神戶, 已經第4次浸古丹溫泉, 今次係坐順風車黎古丹, 佢仲叫大小姐唔好學佢搭順風車, 危險喎, 好攪笑! 點解我同佢地溝通到, 佢地d英文好好架麻!
浸浸下, 佢地走左, 剩下我地一家三口, 浸住欣賞湖景, 好正!好正!
浸時扎起頭髮, 但成頭雪, 最後都浸一浸, 跟住就更慘, 頭髮結冰呀, 上車後要開行暖氣吹頭
15:30去美晃峠, 仍然是下大雪, 我和爸爸冒雪行出展望台, 快快手影張相便走, 其實呢度望晒整個屈斜路湖, 好靚架.
16:00起程去船長の家, d路愈行愈細, 到尾段天已全黑, 又行細路, 都幾得人驚! 17:30安全抵達, 去大浴場沖完涼食蟹大餐, 時間啱啱好!
架車行完佈滿雪~
間房都唔細, 幾新淨
18:40開餐喇, 大部分食物已經擺上枱, 好壯觀, 今日都多人住, 4號廳差不多全滿,隔離枱是一行6人香港人, (今朝已經撞過一次,佢地聽日又係住層雲峽, 返到札幌北口東橫, 一入門口又見到佢地, 真巧合!)
一路食, 食物仲一路上枱, 飽到呢!!
可惜帝王蟹的肉比較削, 小小失望, 毛蟹, 魚生, 蠔, 燒北寄貝和其他食物就唔錯. 最後我地食剩一隻毛蟹及大量帝王蟹腳拎走, 佢地提供膠袋及代為保存, 明天提取, 因為明朝我地會一早離開, 於是直接放了上車,車內零下十幾度, 同放冰箱無分別!
呢幾碟食晒, 除左兩隻熟蝦~
呢兩隻ko晒, 大小姐果隻就拎走~
燒蟹腳麻麻地, 食左一條放棄~
燒北寄貝, 正!
燒螺, 食埋!
呢碟只係一人份量, 無能為力, 只食得兩隻~
食剩既蟹腳~
沒有留言:
張貼留言