14:30抵達阿寒湖, 架車泊嚮湖面架!
冰釣1500yen一位, 我地又係訂了一位輪流玩,一張椅, 一份魚餌, 一枝釣竿, 但賬幕任用, 一邊釣魚, 一邊影下相, 揸四輪車, 玩冰梯
釣左成個鐘只釣到7條, 時間差不多, 走喇, 可以拎去湖邊間餐廳整天婦羅, 包埋架, 佢地仲好大方, 炸左一碟比我地, 咁送果d就細條好多; 隔離枱4個人, 釣左一大袋公魚, 佢地有兩大碟呀!
到鶴雅check in, 搵左個識普通話男接待員招呼, 將我地由本館upgrade去新別館, 幾好喎, 我原本想問下露天風呂附客室幾錢, 咁慳番. 個男仔仲陪我地入房, 走廊都靚過人, 間房好靚, 又大, 12.5疊. 如果上房呢part由日本女將做會比較好, 因為佢地會泡茶, 招呼好d; 兒童浴衣亦有代改善, 阿女140cm, 大人款太大, 小朋友款又吊腳.
換好浴衣我地落番地下食藍爵薯仔
之後就浸溫泉喇, 呢個時段男的係天台天の原
女就用一樓鹿泉之湯/豊雅殿, 望湖, 內湯都整得好靚.
泡完靚湯就吃晚飯, 我地訂了自助餐, 阿女話想食set, 估佢唔到, 平時佢最鍾意食自助餐架.
鶴雅的自助餐好出名, 好多款式又好味, 雖然有網友話近年質素下降,我覺得都幾好吖, 又係主攻和牛同魚生, 再加沙津生果, 燒牛肉呢度師父手勢好d, 半生熟, 剛好, 牛就Tomamu靚d, 如果Tomamu和牛加鶴雅師父就係最完美的組合. 座位方面, 團客近門口, 散客靠窗, 地方大, 唔覺嘈吵.
19:30 參加冬華美雪祭, 我地玩据冰和推球.
之後睇煙花, 誤打誤撞, 我地企正向發射的前方位置, 煙花就在眼前發放! 睇完煙花遊人散去, 我地就逛逛溫泉街商店.
返到酒店當然無咁早瞓, 我地等到22:30, 男女湯互換, 再泡一次, 晚上女湯在天台, 可以一邊泡, 一邊看星星, 爽! (唔…冰箱係咪仲有雪糕架?我唔記得左添!)
沒有留言:
張貼留言