D9 富良野

Areaone hotel無訂早餐, 今朝食呢D…

昨天超市買的富良野哈密瓜, 700yen; 東京買的Tokyo banana; muffin是阿寒湖莊check out時酒店送的; 咖啡是Areaone 住客免費的飲料, lobby自由取用, 加加埋埋, 好豐富呀!

今天去富良野.

路經狩勝峠, 開始見到香港旅行團的踪影.

幾寅駅...電視劇鐵道員的場景

かなやま湖畔薰衣草園

北海道之旅見到第一片的薰衣草田, 靠近湖邊, 環境優美.

抵達麓鄉時見有農作物直營店, 買了粟米 (250yen一條) 和蕃茄(200yen一盒), 即食, 好甜!好甜! 食完忍唔住再買; 另外買左個哈密瓜 (880yen一個)遲D食.

今天星期日, 亦是日本三連休假期, 以下行程各處人頭湧湧.

麓鄉展望台, 花比較疏落, 但位處山腰, 景觀還不錯.

ANPANMAN麵包超人館, 迫滿小朋友

隔離的果醬園, 很多款jam任試, 我們都買左樽blueberry jam, 醬有粒粒果肉, 又唔會太甜.

玻璃森林工房furano glass, 店內有見學工房

離開麓鄉去北の峰麦秋吃午餐, 差不多14:00, 應該無咁多人卦, 誰知14:30打烊午休, 無法入坐, 附近問多兩三間一樣如是; 去了富良野Cheese工房, 吃pizza總有吧! Pizza要等1.5小時, my god, 餓死! 諗住最後試埋唯我獨尊, 都無得食就食便利店大餐算了.

入了電話由GPS導航, 去了市中心旺區, 睇外貌仲以為唯我獨尊在鄉郊, 最後等了30分鐘, 終於可以入坐.

店內差不多每人都是點這款香腸芝士蛋咖哩飯(@1490yen), 各食材味道配合得好好, 飯的份量再多小小就更佳.

食完有氣有力繼續行程.

彩香の里, 位於山坡上

北星山町營薰衣草園, 和彩香の里很相似, 但有吊車坐上山頂, 抵達時已太晏, 無得坐.

經過午間搵食之苦, 晚餐打算自己煮, 去了Bestom 超市入貨.

回民宿check in. 今晚住Keidas Cottage コテージケイダス , 15000yen 連早餐. 民宿只有幾間屋仔.

我們住呢間, 一屋兩伙, 各有獨立浴室/洗手間. 屋仔較想像中大, 2張單人床, 仲有個閣仔可以瞓2人.  

呢款獨棟木屋外型靚D, 但無獨立浴室/洗手間.

今晚仲有個行程, 逛Ningle Terrace, 由Keidas Cottage開車去5分鐘就到. Ningle Terrace由一連串小木屋組成, 售賣精品雜貨, 另外仲有間好出名的café 森の計時.

逛完回到Keidas Cottage 吃自制火鍋.