D7 知床>>阿寒湖

今天上午繼續遊知床, 下午遊道東三湖.

プユニ岬Puyuni, 可算是展望台, 回望知床市中心. 

知床五湖只在夏天開放, 7月是黑熊活躍期, 逛知床五湖要跟導遊, 每位5000yen, 太貴了, 選擇只行一湖, 一湖設有高架步道和電網, 可自己遊走.

知床五湖再開車約10km, 抵達カムイワッカの滝(Kamuiwakka湯之瀑布),10km都是石仔路, 好大塵, 行完架車好污漕. 

路邊長滿小白菊  

カムイワッカの滝是溫泉水, 遊客可以走在暖暖地的泉水中, 爸爸帶了泳褲, 可泡湯呢, 但泉水礦物質太豐富, 浸完身痕, 抺乾身才好點.

回到市中心一休屋午餐

海膽限量供應, 唔可以點整碗海膽丼, 只可點魚子海膽丼2920yen, 價格較羅臼純の番屋貴, 但海膽的味道更鮮甜, 讚! 

親子丼1840yen

炸蝦1080yen

共8750yen 

市中心オロンコ岩Oronko, 知床八景之一, 但附近無免費泊車, 烈日當光又唔打算行上石頂, 望一眼便走.

離開知床前去埋オシンコシンの滝Oshinkoshin, 就在路邊, 瀑布幾壯觀.

向斜里町前進, 沿途都係農地~

さ くらの滝睇鱒魚回游 map code 444 228 458*23, 釧網本線綠駅附近.  河中有條1.5至2米高瀑布, 鱒魚要反方向跳上去回游, 見佢地不斷失敗…不斷嘗試…不斷失敗…不斷嘗試…好慘!

接著幾個景點2011年冬天到過, 只是順路打卡式走一轉.

硫黃山

 屈斜路湖砂湯 

コタン温泉 (古丹溫泉), 冬天湖面結冰有氣質好多, 夏天湯池有蚊蟲浮面, 大打折扣.

原本想去埋摩周湖, 但天氣唔好, 去到都係白茫茫一片, 放棄!

出發往阿寒湖, 入住阿寒湖莊, 飯店雖然舊舊地, 但15000yen三人一泊二食, 仲要係部屋食, 點計都抵住. 

大堂有free wifi 

安排了最高層6樓湖景和室, 無敵湖景, 好靚呀!

食飯前去了浸地下露天風呂, 湯池細細個, 男女湯都無人, 我們一家獨享, 女湯得2個沖涼花洒, 有一個仲壞左, 人多都唔知點算. 

第二朝去5樓展望大浴場, 相對大好多, 難怪check in 時staff 只介紹大浴場.

今晚晚餐, 部屋食, 好free. 簡簡單單, 但味道真係好好, 樣樣小小, 加加埋埋, 都夠飽.

晚餐去溫泉街散步, 沿街好多木雕店舖.  

阿寒湖各溫泉飯店以鶴雅的名氣最大, 2011年住過, 早兩年鶴雅買埋隔離店改裝, 新鶴雅(wing) 現代化好多 

連浴衣都改埋, 咖啡色衫褲, 好肉酸, 似按摩師/監犯, 著埋件背心外套就似alice in the wonderland 的紙牌士兵.

圖中大叔示範

阿寒湖莊和鶴雅一頭一尾, 走路約20分鐘, 原來有免費穿梭巴士行走幾間酒店, 回程唔洗行, yeah!