D14 太宰府>>湯布院>>九重

08:30到Times 租車, 就在Sutton酒店後面. 有好多停車場都是Times經營, 小心搵錯.

租4日1300CC, 16880yen連免責補償料, 可惜無ETC Card借, Budget可借ETC Card但離酒店15分鐘步程, 況且ETC優惠減左, 假日先有折, 作用不大.  4日行了700km, 入油8400yen, 高速公路收費5630yen.

首站太宰府天滿宮, 泊車要收費, 大大小小好多停車場, 搵到個300yen 2小時又超近大門口.

既然已經到天滿宮大門口, 參拜完先行參道. 

整體麻麻, 缺乏靈秀氣. 天滿宮以求學業出名, 大小姐買了個學業符, 努力讀書呀, 唔好成日掛住上網.

參拜完回到參道的starbucks 吃早餐, 間starbucks是名師設計, 好型!

又是先買卡後買食物, 火腿芝士包好好食 

逛參道

 太宰府名物梅ヶ枝餅 

下一站湯布院, 朝倉IC開始行收費高速公路, 路費2000yen, 以金錢換時間.

抵達湯布院後到Bspeak訂瑞士卷, 原味只有大份, 於是訂了一客原味大份, 一客朱古力味小份. 16:00回來拿取.

先吃午餐, 割烹サイウ

 每人一客豊後牛焼肉御膳@2300yen, 牛肉油脂均勻, 好正.

今日唔算多遊客, 偷雞將車泊了在河邊空地.

湯之平街道, 古色古香的店舖, 亦有歐洲式小石屋, 店舖各有特色.

 天氣好熱, 唔想行去金麟湖, 有人又唔記得拎遮, 罰佢行回頭路拎車, 我和大小姐坐低等.

  

金麟湖唔大, 但太熱無繞湖邊行, 影張相到此一遊咋.

 臨走去Bspeak拎瑞士卷, 立刻ko左個朱古力味.

開車約40分鐘到了九重夢大吊橋, GPS帶了我們到北門入口, 無商店果邊, 唔緊要, 一樣咁行, 都係行到盡頭往回走, 門票500yen.

夏天無咩特別, 只有兩條瀑布, 秋天滿山紅葉應該好壯觀.

今晚住渓谷の宿二匹の鬼, 就在九重夢大吊橋附近. 36000yen + 450yen湯稅, 獨棟別墅連私人湯池, 一泊二食.

有個靚仔服務員來自韓國, 英文講得好好, 由入住手續到吃飯都是他招呼, 溝通無問題.

酒店只有二十多間房, 但獨佔山頭, 地方好大, 去自己間房都要揸車

我們間屋叫野菊, 車可以泊門口 

間屋好大, 一廳一房 

房舖了2張床, 另有閣仔, 今晚大小姐又有個小天地 

私人湯池都唔細, 可惜無景觀, 如果再高小小向山谷, 便有山谷景了 

露台 

拿拿聲泡個私人靚湯才去吃晚飯.

晚餐在餐廳享用, 特選豊後牛御膳プラン

入席已經擺好一桌, 今晚菜單

前菜 

上半場: 肥美豊後牛shabushabu, 仲有一大籃疏菜

呢幾片真係入口即溶

吃完上左客無花果蓉 

仲有客冰凍豆腐清一清油膩

下半場: 豊後牛陶板燒, 無午餐果份咁多油脂, 但都好淋 

仲有綠茶雪糕, 我們晚上唔飲咖啡, 改了杯可樂

 考慮左好耐今晚住唔住黑川溫泉, 但俾二匹の鬼的特選豊後牛御膳プラン吸引左, 食完一D無後悔, 好滿足的一餐.

房無wifi, 食完想留在lobby上網, 但竟然話要清掃, 請我們到無冷氣的coffee corner上網, 扣分! 又熱又有蚊, 留一陣返房了.

休息陣又去享用私人溫泉.

今晚宵夜, Bspeak原味瑞士卷, 大小姐係朱古力狂, 佢都話原味好食D.

臨瞓去了露台睇星星, 滿天星斗, 仲見到粒流星, lucky!