行程概略

四人行，機票用里數換，香港經名古屋轉飛札幌，北海道主要滑雪，留一星期之後轉往大阪，大阪玩環球片場和血拼！

D1 香港經名古屋轉飛札幌，一切順利！晚餐食非一般的一粒庵拉麵。飯後到大通公園參觀聖誕市集及燈飾，一直落雪，很富聖誕氣氛。住宿札幌站北口東橫Inn。

D2 租車自駕，往留壽都渡假村。下午滑雪。留壽都很大，三座雪山，三parts住宿。有泳池、溫泉、餐廳、商店，夏天仲有遊樂場。入住Rusutsu Tower，樓中樓duplex設計，一層廳、一層房，地方寬敞，窗外望滑雪場，景色很美。晚餐於渡假村外家庭式居酒屋。



D3 繼續滑雪，今天整天放晴，視野廣闊。平安夜，在渡假村吃自助晚餐，帶子鮮甜，手臂長蟹腳無限量供應；飯後欣賞松明滑走 (Torchlight Parade)及煙花。松明滑走即一批人拿着小煙火由山頂列隊滑下，好浪漫！

D4 開車往函館，路經洞爺湖展望台，非常大雪。中午抵達函館，繼續下大雪，五陵郭只得在公園逛逛，函館山百萬夜景連一yen都唔藉，還好晚上飄雪暫停一會，可以到金森倉庫看巨型聖誕樹及夜遊元町教堂群。是日行程最忙食、食、食：中午吃函太郎迴轉壽司和小丑漢堡，入住湯の川渚亭温泉旅館，吃豐富自助晚餐，燒牛肉和燒帶子令人再三回味！

D5 渚亭的早餐又是超級豐富，新鮮魚生自制海鮮丼。温泉大浴場面向大海，視線非常好，藉得推介的温泉旅館。Check out後先去看看日間的金森倉庫，順便消化今早的早餐。11:30往函館朝市吃海鮮丼，還買了隻即煮活毛蟹作宵夜。13:00前往大沼公園，面向駒岳，好靚！15:30開車往Kiroro Resort，沿途大雪，如遇大貨車經過，揚起吹雪，能見度更低！18:00路經二世古，吃晚飯兼中途休息。飯後開多一小時車抵達Kiroro Resort－Piano Hotel。

D6　全日滑雪，今天轉玩snowboard。天氣麻麻，一直下雪，但都好多人，仲有好多3-4歲小朋友上滑雪班。唔滑雪既團友就四周圍影下相，浸下溫泉，Kiroro有兩間酒店：Piano Hotel and Mountain Hotel， 一於浸勻兩邊。

D7　仍然係滑雪日，唔滑雪既團友就坐巴士到小樽逛街行硝子館。主打當然都係食：三角市場海鮮、若雞時代炸雞、六花亭和LeTao甜品，個胃好busy！17:00所有團友匯合後前往札幌，順路先去白の戀人睇燈飾。北海道最後晚餐去了蟹本家食蟹宴。住宿Cross Hotel，設計比較modern的酒店，但略厭太多門，浪費室內空間。

D8　前往瀧野鈴蘭公園玩雪，大水泡滑下去後可以坐住水泡電動拉番上斜坡頂，舒服又好玩，而且費用全免。公園還可以借雪兜、借大腳八玩雪地建行，更可以滑雪，費用便宜，難怪許多遊客一家大細到此。我們玩了個多小時，爭取時間去埋三井Outlet。17:50飛大阪，燒肉一丁吃牛肉網燒，好得！住宿心齋橋Villa Fontaine Hotel，房間比較細，但地點超方便。

D9　全日落雨，但只得今日檔期去環球片場，照去！雖然是星期日，但落雨天遊客比較小，機動遊戲只需排15-20分鐘，部分長龍的Space Fantasy, Hollywood Dream過山車就排單人條隊，玩晒場內所有機動遊戲。但街頭表演，夜光巡遊等就全部取消，可惜！晚餐吃昭和大眾燒肉，no good, 座位擠迫，肉質麻麻，同燒肉一丁差好遠。

D10　今日大阪飄雪！諗過去宇治及京都，又諗過買張大阪周遊卡遊大阪，最後竟然全日shopping，由心齋橋行到難波高島屋。減價前夕，百貨公司除了超市外都好靜；超市則人山人海，盛況只可用恐怖來形容！除夕夜，部份食店關門又或fully booked，最後選擇牛角燒肉，連續三晚BBQ，還好日本水涼底！

D11　兩位團友趕返學，早機回港，7點幾到日航酒店坐機場巴士，隔離OPA門口已見人龍排福袋。 無咁神心，返酒店補眠才出動。9:30往OPA，掃了3個福袋，有D衫Ok，有D完全唔得，減價期間大部分店舖30-50% off，真係唔洗買估估下的福袋。今天好多店舖關門，之前做定功課，去了照常營業的天王寺Mio Mall 和鶴見Outlet。今晚搬了去長堀橋Best Western Fino Hotel，酒店靚Ｄ，新Ｄ又係雙床房，價格又平Ｄ，但交通始終差小小，住Villa Fontaine買完野可以拎番酒店再行過，掃貨時刻，酒店地點真係好重要。今晚到居酒屋吃串燒！

D12　1月2日全面開賣福袋及店舖減價，夜晚機，只得半日掃貨，要爭取時間！又係由心齋橋行到難波，每間店舖都好多人，唔買好似蝕底咁，我地都買唔小，拎到死死下！仲要坐地鐵再轉南海電鐵去機場，好後悔唔繼續住Villa Fontaine，唔搭機場巴士。

結束12日之旅，最愛仍然是北海道^^