D9 大阪環球片場

Villa Fontaine的早餐認真麻麻, 其實食左成個星期, 戰斗力愈見下降.

全日落雨，但只得今日檔期去環球片場，照去！心齋橋坐地鐵到大正站, 轉JR到西九条, 再轉櫻島線到環球片場, 好似好複雜, 其實好快, 車程30分鐘左右(@370yen). 大正係細站, 轉車沒有梅田站般複雜!有團友12月生日, 出發前登記了為環球片場會員, 入場有折, 同行每人由6200yen減至5700yen. (寫blog時入場費已加至6600yen!!)



雖然是星期日，但落雨天遊客比較小，機動遊戲只需排15-20分鐘，部分長龍的Space Fantasy, Hollywood Dream過山車就排單人條隊，玩晒場內所有機動遊戲。但街頭表演，巡遊等就全部取消，可惜！當中比較鍾意Space Fantasy, Hollywood Dream, Spiderman, Terminator2, 史力加4D, 其實水世界都好精彩, 但等左好耐宣佈雨天取消!! 最悶係芝麻街4D, 悶到爭D瞓着. 落雨關係, 無咩影相.




反之, 小朋友就好鍾意芝麻街, 芝麻街樂園塞滿人.

比較新仲有Hello Kitty, 但無咩睇, 係最後有Kitty影相. 

Snoopy town 都好多小朋友, Lucy 好煩, 人地同Charlie影緊相, 夾硬要走埋黎!!

午餐食漢堡包~



阿女仲要食兒童餐, 賣相咁靚, 我都想要~



17:30 Song of the Angel表演, 其實只係唱兩首歌, 但建築大樓打晒燈, 好靚. 

仲有棵巨型聖誕樹, 靚過香港迪士尼果棵.

最期待19:30 夜光巡遊, 18:00開始已停雨, 但大會仍是決定取消, 超失望! 



shopping完後, 晚上8時多離開環球片場. 坐JR到難波( @170yen)

抵達道頓堀先吃本家章魚丸, 地點較早幾年搬前了, 人龍依舊, 但好失望, 唔好食, 粒章魚雪味好重.



晚餐吃昭和大眾燒肉，炭爐燒, 幾吸引, 但環境no good, 座位擠迫，大油煙, 肉質麻麻，同燒肉一丁差好遠, 食了一round唔飽都唔再點, 12000yen。http://syohoru.com/store.html