D2 留壽都滑雪

租車自駕，租車店距東橫Inn約5分鐘步程。Mazda 1300cc Demio，年末年始特價，21900yen, 7日，包雪軚、四輪駒動、免責保償料（保險），好抵！唯一缺點係車尾廂比較細，放唔到一大一中喼，我地將中喼入大喼，部分衣物放手提袋，勉強放得晒。　

09:00開車, 跟GPS行, 唔洗煩. 初段天氣唔錯.




行行下又落雪, 愈來愈大.



2小時後抵達留壽都渡假村, 留壽都頗具規模，三座雪山: Mt West, Mt East, Mt Isola，住宿主要有North Wing, South Wing 及Rusutsu Tower, 仲有小木屋和舊翼。設施有泳池、溫泉、餐廳、商店，夏天仲有遊樂場。

North Wing和South Wing位於Mt. West, 在同一座大樓, 商店、餐廳齊備, 夜晚雪場只開Mt. West雪道, 生活基能比較方便. Tower則位於Mt. East, 另處一角,以單軌車連接,但所有房間都是duplex設計, 比較寬闊.

抵達後先去reception counter, receptionist再指示去那裡check in.

我個package 每位10000yen, 包一日滑雪証, 1000yen午餐代用券, 住宿則可選擇North Wing, South Wing 或Tower. 既然同價, 當然住好d, 出發前email confirm左住Tower, 但抵達時receptionist竟叫我去South Wing, 溝通後先去番Tower.

未夠鐘check in, 放下行李, 拎左滑雪証、午餐券就去租借雪具. Tower都有地方租借雪具, 亦有locker. 

認住編號, 唔好拎錯~

經過呢條通道就可以坐吊車到雪場.(藍天相係第2日影)

Mt East初級滑道好平坦, 啱晒我呢位無贍永遠初哥, 大小姐和爸爸去了中級 

稍作熱身, 又到午飯時間, 雪場餐廳有咖哩豬扒飯、拉麵、牛肉飯, 味道都唔錯.

飯後繼續滑滑滑, 約四點坐吊車轉去Mt West, 因為夜場只開Mt West. 

呢邊初級都斜斜地, 起先跌左兩、三次先克服到. 

6點幾太凍收工, 要搬雪具坐monorail回Tower, 有小小不便, 如果Mt West呢邊都有locker就更佳.



回到Tower拎鎖匙,嘩, 間房好大, 樓中樓duplex設計，一層廳、一層房，地方寬敞, 仲有free wifi, 正!! 麻煩D住呢邊都值!

入牆櫃拉下係兩張雙人床, 一間房住6-7人都無問題. 

行條長樓梯好金, 特別係滑完雪後隻腳痛, 點解上層無洗手間架! 



無用過既浴室~~



渡假村外有便利店和幾間餐廳, 晚餐去了間家庭式居酒屋。味道唔錯, 價錢平! 係咪好小食物?? 其實仲有碟魚生未影相就ko晒, 同埋串燒係兩碟上, 哈哈~~又飲又食,7400yen, 比較平的一餐.

飯後浸溫泉, Tower呢邊溫泉有露天池, 但只得圍牆無景觀, 23:00之後monorail停止服務, South/North Wing住客走晒, 好安靜.