D3 Rail bike、冰釣、弘大

金裕貞路軌單車  >> 春川辣雞  >> 清平冰釣  >> 晨靜(落雨燈飾取消) >> 上水站Nice to Meat U   >> 弘大逛街  >> Beans Bins甜品

(*厲旭Kiss the Radio)

*****************************************

7點幾坐地鐵往金裕貞站, 車程120分鐘, 好耐 , 梨大>>往十里>>忘憂>>金裕貞, 還好有位坐, 10:17抵達.

今天落雨, 好小人玩路軌單車, 一早請酒店訂左2架4人車, 無咩客所以都無報上名來, 直接買飛, 35000won一架.  另外加5000won按金借毛毯蓋腳, 張毯好好用, 擋風又擋雨.

轉車時已買了飯卷作早餐, 現時再買熱飲在"侯車室"坐住等.

準時11:00開車, 金裕貞往江村散客為主, 得幾組車, 反方向江村往金裕貞則有唔小旅行團.

我們是第一架車, 沿途風景好靚. 

玩了大半個鐘中途休息, 可以上洗手間或買小食.

                         

 抵達江村站時有接駁車送回金裕貞站, 連接送約2小時.

回到金裕貞站吃午餐, 有幾間店舖吃春川炒辣雞, 隨便選了一間.

春川雞每位10000won, 可選辣或唔辣, 分兩窩, 點了2份辣, 4份唔辣, 好好味, 但辣味愈食愈辣,最後又加了炒麵和炒飯各兩份, 店舖有咖啡機免費自取, 埋單共68000won.

吃完午餐坐地鐵至清平站, 向河邊方向尋找冰釣場.  冰釣每位收9000won, 時間不早, 沒有玩, ATV落雨無開, 所以影下相便走了.

返回清平站坐的士到晨靜樹木園, 16000won行車約20分鐘, 買票時告知落雨燈飾取消, 好失望,冬天晨靜無咩睇, 所以又坐的士回清平站, 真混吉! 回程的士是請車站保安員打電話Call車.

去了上水站Nice to Meat U, 全旅程唯一一次要等位! 來這裡全因大小姐的偶像黎過, 仲可以坐埋同一枱

就係電話姐姐呢個位~剛巧佢地走, 輪到朋友一家入座 (因為只有4人枱, 我地要分開坐)

這間店主打五花豬, 特別之處是俾埋個計時器, 蓋上鐵板44秒食得!! 點了套餐, 包埋芝士蛋和牛肉窩, 6人共73500won.

                                       

食完大小姐又離隊.

 上水站其實是弘大尾段, 所以我們向弘大站方向走, 沿路shopping! 朋友一家逛了一會便回酒店休息, 我和爸爸繼續逛.

最後去了Beans Bins吃士多啤梨窩夫. 士多啤梨唔係好甜, 小小失望, 但窩夫則很香很脆.

23:15尚未可以返酒店, 因為要去國會議事堂站kbs電台接大小姐.

她在晚飯後便是去了kbs電台看厲旭做電台節目 kiss the radio. 

去到時尚有15分鐘才完, 我地都睇左陣, 好多日本妹fans!

24:00 厲旭準時收工, 極速離場, 送埋佢架車走後我地搭的士回酒店, 約10分鐘車程, 6600won, 好彩無遇到黑的.