D5 龍平滑雪場(2)

food court午餐 >> Dragon Peak >>  橫溪韓牛城 >>夜滑

************************************************

兩位爸爸和朋友囡囡 10點幾就開始滑, 其他人就食埋午餐先滑12:30至22:00場次.

 唔好誤會好多人滑雪, 其實好多都係團客在雪場影相或在低地練習而已! 

初級雪道都好小人!

滑左兩次初級線熱下身便坐纜車上Dragon Peak, 上山沿途樹上掛滿雪, 好靚. 

著名的Rainbow paradise, 由山頂至山腳全長5km, 難度只屬中級, 好長好過癮! 

上落一次差不多一小時. 落山後玩多轉mega green, 已夠鐘16:30中場休息. 

(龍平16:30至18:30重整雪道, 所有吊車暫停)

今日年三十晚, 團年飯食好D, 去橫溪韓牛城.

坐17:00免費巴士往橫溪, 總站落車, 向前行, 過左Green & Blue Hotel (即下圖咖啡色建築, 當時好大雪, 張相是過兩日影), 再過河, 全程約行10分鐘便到韓牛城. 

凍櫃自選韓牛到餐廳燒, 價格較馬場洞韓牛村平小小, 牛肉好淋, 但各團友一致認為馬場洞韓牛村牛肉比較有牛味, 買左好多, 共241000won.

 1++韓牛 

  

牛舌

快吃完有小插曲, 有班香港人差不多19:00先到, 餐廳話快打烊唔接客, 佢地好大聲理論, 其實都無得嘈架,難道餐廳開OT等你食埋咩! 今晚年三十晚, 韓國人都過年架! (後記: 韓牛城年三十及初二早收,初一關門!)

食完請侍應Call的士, 竟然無車, 因為落大雪司機怕危險唔開車, 但我地無車走喎, 點算好?! 最後老闆娘打左個電話然後叫我地等多陣, 原來佢安排左餐廳架車送我地返龍平, 仲唔收錢, 好感動呀!

返到龍平又繼續滑滑滑, 去埋Gold paradise, 呢條線都幾好玩.

宵夜時段, 韓牛仲未落格, 所以只外賣左個cheese pizza 6人share.