D8 超市、廣藏市場、明洞、梨大

合井站Homeplus >>乙支路4街站廣藏市場 >> 明洞逛街 >>梨大逛街 >> 桃源炸醬麵 >> jumbo taxi往仁川機場

**********************************************

今天原打算行三清洞、韓屋村, 但落雨兼團友想shopping, 變了逛明洞、梨大.

先去合井站Homeplus買手信, 其實香港好多韓國食品, 都唔知買咩好.

坐的士回酒店pack好行李後check out.

中午坐地鐵到乙支路4街往廣藏市場, 買鮮人蔘, 好大條, 60000won per kg. 跟住都係食麻藥飯卷及綠豆/豬肉煎餅兩間舖. 今天很多人, 塞滿整個廣藏市場.

食完到明洞行街, 今天整日落雨, 惡劣天氣推行李往車站一定很狼狽, 於是打電話回酒店, 請酒店安排jumbo taxi, 坐晒6人85000won, 俾多小小但舒舒服服, 都OK啦.

農曆新年, 明洞一街都係遊客, 好迫, 無心機睇, 行左陣就返回梨大. 

大小姐想買backpack, 同一款明洞賣13000won, 梨大只需10000won!!

買完仲有時間, 大小姐想食炸醬麵, 第一日搵地方食早餐時見beans bins對面斜巷有間中華料理桃源, 果然呢度有得食, 傳統炸醬麵4500won, 乾炸醬麵5000won, 侍應話乾炸醬麵好食D, 果然無介紹錯, 洋蔥好香口.

  

17:00回到Ever8, pack好行李, 原來司機已經到左, 咁早D開車啦.  架車好舒服,我地6人, 2個30吋大喼, 2個25吋中喼, 再加20吋細喼及3個手提袋都放晒, 架車最多坐到7人!

40分鐘到左機場, 無咩人排隊, check in, 退稅都好快, 係過關耐, 人唔多都唔知點解咁慢!

濟州航空無飛機餐, 臨上機3人share左一客石窩飯, 原來近30號閘個food court都唔貴, 仲平過禁區前2樓的餐廳.

Bye Bye首爾, 遲D再見!

(後記: 今次行程都小小黑仔, 晨靜睇唔到燈, ski bus走車, 返港又被掟爛行李; 興幸有落大雪, 龍平雪道都幾好, 又長又闊! 特別要讚下大小姐, 韓文進步好多, 基本溝通無問題, 對旅程幫助很大!)