D7 浮潛 programme 3

今日轉另一船家, 三方三口六面拎住地圖講清楚停邊5個點, 當講到是否5-6pm回程, 死人印度人又反口cannot, 最後又係我地妥協, 4pm回程… 尋日留左頂帽嚮船上, 叫佢幫手拎番, 佢竟然講: this is your problem…a lesson to learn…

yes, really a lesson to learn, 永遠永遠要自己直接搵船家出海, 就算搵Agent, 都唔好搵印度人, 就算搵印度人, 都唔好搵叫Jacky 的印度人….我果朝真係沉默左2分鐘, 冷靜自己!!

唔想為呢D無謂人激氣, 開船~~



首站Koh Langcha, 水深, 但好清好清, 20-30米都睇得好清楚, 見到巨龍躉, 鯊魚, 海鰻, 2呎長雞泡, 仲有一團團的魚仔, 幾百條圍住我地轉, 游走一批又一批.






第二站Koh Adang 東北方岸邊, 又係好清. 


條魔鬼魚好得意, 搵沙堆埋自己, 一於睇你唔到…睇你唔到, 埋左好耐, 我地游近佢先游走.







兩個點都玩得耐, 好快已經1pm, 埋沙灘午餐小休. 

扔一灣又落水, hard coral, 無咩特別…go, go, go, next stop.

船家想兜去waterfall 個灘, 我地覺得海底差不多, 放棄唔去, 直去Koh Bu Bu.

個島好細, 沿島游左左一圈.

最後去埋Ko Talang, 遠處有班人scuba diving, 水流有點急, 但都多野睇.










玩到3:45pm, 夠晒皮, 叫船家回程, 佢唔知係咪驚4pm前回去無錢收, 臨尾嚮Sunrise Beach 對出 Koh Kra都停左叫我地落水, 雖然Koh Kra早幾日游左兩次, 叫到都俾面游一陣.

臨尾竟然有驚喜, 見到一堆墨魚, 墨魚釣過食得多, 浮潛都係第一次見.

最後4:40pm先回程, 今日真係好滿足, 呢個船家都幾好, Koh Adang 西面未去, 於是約船家後日出海半日, 去3個programme 1 的浮潛點, 1000B, 9:00am to 1pm.
晚餐番兜La Luna, 但今晚失準, 除了沙津正正常常, 意粉, 雲吞, pizza, 樣樣好咸, 1500B.