D6 浮潛Programme 1 & 2

相對酒店規模, Mali早餐簡單, 質素唔多掂, 蛋自選一款煮法, ham or bacon 二選一,加咖啡及橙汁; 

賣相都麻麻, 食到第3日, 開始食剩呢樣..食剩果樣!!



尋晚confirm了印度人出海, 有D擔心, 佢始終外地人, 呃我走左去點算, 又或者出左海, 有咩意外又點算….

但一早見到佢, 同Mali 兩位美籍老闆有傾有講, 當堂放下心頭大石;

點知同我地出海既唔係印度人, 佢又話自己有船, 原來係agent, 即時覺得有D搵笨,但都預備好, 照出發啦..泰國船家先去Programme 2 Koh Hinsorn 附近…

落水, 好靚, 紫色珊瑚, 第一次見…但水流有點急, 游左20分鐘左右.

上船去下一站, 駛左十幾分鐘, 落水好清呀~~ 

第3點 Koh Rawi 海邊, 即係回到programme 1 範圍, 都好清好靚. 

跟住上Koh Rawi 午餐…島上見到其他人, 都係Rawi 開餐…

飯盒一個, 都知無咩好食, 所以自備左D零食..

島上有猴子, 預備隨時偷食, 哈~~





飯後去左Koh Hin Ngam, 黑石頭灘

疊12層會帶來好運, 但都幾難砌到咁高..

跟住去左浮潛, 唔知邊個灣, 船夫英文麻麻, 好小講野….落水, 都唔錯吖.

上番船, 2:30pm, 行程到此為止都OK, 雖然programme 2 潛點小左D, 我地都唔太介意, 但跟住船家往koh Lipe 駛去, 問佢話go home, 唔係麻, 話玩到5-6pm喎, 宜家先2:30pm, 仲未玩夠, 同佢理論佢唔理, 解釋俾多左錢玩晏D, 佢話無人俾多D錢佢,叫佢打電話俾印度人問清楚, 佢話無電話, 總之就激死人.

爸爸同佢講左好耐, 佢終於停多一點, 但就係海中心, 水深, 水流急, 停黎都無用, 游左5分鐘都上水算, 相都無影..…開開心心一日, 臨尾卻谷鬼氣…擺明個印度人食水深, 船家交行貨.

唔好為呢D事影響心情, 今晚先搵印度人算帳.

沖涼後又去沙灘做按摩, 今次選oil massage, 正喎…巧舒服…如是者, Pattaya Beach 5日按左4日, 游完水, 鬆一鬆, 好舒服, 後尾連大小姐都獻出第一次, 仲一試上癮.晚餐walking street巡左一圈, rak lay D蟹最大隻, 就佢啦…


蒸石班, 教廚師落薑蒸, 唔腥, 有火熱住, 開始都OK, 食到第2邊太熟...鞋口.

咖哩炒蟹, 無落蛋, 麻麻地.



炒通菜, 炒雜菜, 白飯, 汽水, 共1200B.
飯後去nee papaya 搵印度人算帳, 佢死蛇爛鱔, 一於推晒船家度, 仲話2500B無收多, 死唔肯退錢, OK,我都知財到光棍手既道理....你唔退, 咁明天行程你都補俾我吖,因為之前有網友去programme 1 Koh Adang西面睇到海龜, 要求去埋, 佢死都唔肯,話唔順路, 唔夠時間, 全程只肯去Koh Adang東面兩個灘 , 另外去Koh Langcha, Koh BuBu, Ko Talang, 共5個點, 講到最後, 都無佢咁好氣, 我話去完先俾錢(1700B), 唔開心就free of charge…