D12 農莊一日遊

Sasima餐廳位於人造湖邊.





酒店細細但早餐絕對有誠意, 泰式自助早餐, 仲要幾好食. 

冬菇肉碎粥好好味~

粟米原條刮出黎~~

訂左chok chai farm 10am 參觀場次, 09:30前要去俾錢 (300b x3), 又驚搵唔到, 一早出門, 點知好順利, 9am已經抵達.
chok chai steak house訂位先.

等候期間先去shops睇紀念品, 牛奶片, 好濃奶味. 



準時開場, 同組有兩個旅行團: 中山國旅及香港永安, 講解除了泰文仲有英文.

先睇30分鐘介紹農場歷史的影片....萬寶路配樂, 好耐無聽過喇....

坐車遊農場, 記得坐右手邊…. 

示範揸牛奶…


農場當然好多牛….




種俾牛食既粟米...

有人話呢D係霸王花…

結的果就是火龍果…

可以騎馬或坐馬車 

牛仔表演

趕羊表演





Petit zoo 餵羊, 牛, 鹿, 兔

Animal show



兩個多小時, 節目都幾豐富.

12:30 chok chai steak house 午餐, 下層有旅行團, 好嘈, 要求坐番上層.

Premium steak, premium T-bone, pork chop, 牛肉係chok chai farm出品, 肉質唔錯, 要求medium 亦煮得剛剛好, 兩客牛扒比較貴, 共2340B. 

經Route 2335開1.5小時到 De Wang.

De Wang不在大馬路邊, GPS 只引到附近位置, 問左幾位居民, 兜來兜去, 都唔見, 最後終於發現躲在這堆路邊餐廳之後.


餐廳盡頭見到呢個牌..



由這條爛路開下去左轉就到.

如唔行爛路,再向前行小小, 由大馬路從這牌坊入去亦得.

如果從a cup of love方向來, 見到呢間café再U-turn過對面便是了.

看看De Wang....

睇相幾吸引, 幾靚, 但現場睇有點粗糙, 只得幾間屋仔, 閒日店舖無開, 非常失望, 影相10分鐘走了, 搵路時間更長呢!!

下一站往a cup of love, 車程約15分鐘. A cup of love就在路邊, 入場每晚人50B. 地方幾靚, 但好細.

羊屋..




又話16:00放羊出草地, 都無既, D羊仲懶洋洋唔旭.

呢兩日餵左幾次羊, 已經無咩興趣再餵, 行左陣去門口餐廳飲野

從餐廳都一眼望晒整個牧場, 真係好細.
離開a cup of love, 見有旅遊車向山上歐式別墅駛去, 我地又八卦跟埋去.

原來是當地遊客, 佢地嚮度小休..

對面有間resort, 唔客氣入去睇下. 

嘩, 餐廳外望遠景, 好靚喎, 小瑞士feel, 完全唔似泰國.





17:00, 開車往芭堤雅, 行route 304, 再轉331, 起初是段山路, 又很多大車, 開得很慢,有點後悔去De Wang及a cup of love, 又無野睇, 如果從chok chai farm行highway落曼谷外圍, 再走highway落芭堤雅, 條路好行好多.

19:40, 快到芭堤雅, 有點肚餓, 在小鎮找吃.每人一碗牛丸河, 老闆娘竟然識普通話, 做過外傭? 

再過隔離食雞飯和豬手飯.

有人點全脾@@



再開45分鐘, 到芭堤雅Centara Grand Mirage Resort喇, HK$920 一晚包早.

21:00 check in, 訂左Deluxe Ocean facing room, reception話今晚fully booked, 俾左另一間, 強調very nice view, 上到房先知, 原來upgrade 左去Club mirage, 間房靚好多, 仲有浴缸.經過12日天堂咁寧靜的生活, 煩人回到凡間, 點會咁早瞓….
開車去Central Centre 間Big C 濕平, 買到人家打烊….阿圭牌紫菜buy 2 get 1, 大小姐要買一箱, 但sold out只剩3包, 為我地餘下4日3夜尋找阿圭牌紫菜埋下伏筆.

最後去買姐蓮杧果糯米飯….50B超好食, 姐蓮和美塞通side by side, 各有捧場客, 我就鍾意姐蓮多D.