D7b 洞爺湖Toya乃の風

洞爺湖Toya乃の風 洋室一泊二食 38300 yen

大型舊酒店全新翻身,  似泰國resort, 大堂有好多梳化

 

先飲杯welcome drink

標榜戶戶有海景, 訂了普通房

安排了最低層, 大部份海景俾餐廳天台遮蓋, 失望

爭取時間先去浸溫泉.

溫泉在最頂, 有兩層, 天台的露天風呂全湖景, 無玻璃阻隔, 好正.  剛好是日落時分看紅霞 (早晚都有人無影相, 官網有照片)

夕食自助餐廳波の音環境最靚, 高樓底無敵湖景, 但食物口碑差, 於是訂了法式風の音, 在自助餐廳內上層, 只看見小小景; 日式料理餐廳乃の風茶寮在地牢, 更是零景觀. 夕食價格愈貴愈無景@.@

很長的餐單

餐具好靚, 擺盤都好靚, 樣樣小小, 有些菜色更用筷子食, 都幾似日式.

底下熱石一直熱住D包

粟米湯

魚生,  酒杯上好靚

蕃茄只是擺盤, 上完菜仕應收走大家都好愕然

只得5條通粉@.@

 清一清味雷

十勝牛好好味, 大碟D更好! 側邊黃色是雞肉

甜品五款結尾, 好飽.

趕住21:45睇煙花, 無得慢慢嘆, 可惜.

酒店湖邊的大門長期上鎖, 要走馬路正門再兜去湖邊, 小小不便.

出到去剛放煙花, 原來是有隻快艇在湖中不同地方發射

 點火, 走開, 跟住爆, 好似bloomer man.  

尾段去到湖另一盡頭, 差不多見唔到.

  

換上浴衣逛溫泉街, 十幾年前跟團住過洞爺湖, 已經唔記得當時住邊間, 只記得一樣是著浴衣木屐逛街, 仲食左碗拉麵.

今晚太飽食唔落拉麵, 逛逛便回房. 溫泉街無咩行, 得幾間藥房.

第二朝一樣是早餐前先浸溫泉, 露天風呂太曬, 浸一陣改回室內.

溫泉外觀景窗外望

早餐一樣是風の音, 其實可改去自助餐廳, 但最後都係決定食風の音, 有人serve.  

又是長長餐單

生尤魚唔啱口味

 早餐又甜品, 份量仲唔小@.@

食完去自助餐廳睇下, 環境真係無得輸, 食物睇落都唔錯吖, 幾多野食

順手(牽羊)沖左兩杯咖啡(有紙杯提供)出大堂坐