今天原打算至名寄、剣淵, 但出發前睇, 名寄的向日葵已枯萎, 反而北竜町向日葵之里尚有小小, 於是改行程去北竜町, 況且北竜町更近沼田町夜高行燈祭會場, 大大節省行車時間.
早上先去田んぼアート睇稻田畫, 已經第二次來, 一樣覺得精彩.
稻田畫附近的農地都有一小片向日葵
洋蔥
毛豆
跟住去了驚安典堂shopping, 一逛竟逛了2小時多, 加遊南山酒造太趕, 只好明天再去.
拉麵村午餐, 選了梅光軒, 鹽味拉麵湯底太咸, 醬油味較佳.
開始下雨, 好彩抵達北竜町向日葵之里又放晴.
花田很大很大, 佔整個山頭. 大部分向日葵已經枯萎, 如果盛開一定好壯觀
已過全盛期, 車子可駛入花田中. 最尾端尚有一片全開.
另一邊有蕎麥花田, 自從睇完鬼怪便對此花很有好感
北竜町道之駅, 好細, 主要是借用洗手間.
北竜町至石狩沼田駅只需15分鐘車程.
沼田町夜高行燈祭 (沼田町夜高あんどん祭り) 的會場位於石狩沼田駅, 車子要泊在外圍臨時停車場.
網上搵唔到中文blogger介紹, 日文倒是不少.
觀光局介紹: 「夜高行燈祭」是用巨大的行燈互相碰撞的喧鬧行燈。聽說這個祈求五穀豐收的祭典，是透過激烈的碰撞來完全破壞，有激發明年可以再站起來的慾望這樣的含意。
日文官網有齊停車場、會場地點、節目表等資料
已經許多人霸定位, 場內有免費清酒派發
會場有幾處食檔, 先去醫肚, 厚岸蠔、扇貝等好平, 200至300yen.
這份大阪燒麻麻地
名物黑毛和牛包, 500yen一個, 最多人排隊, 但都係排左15分鐘左右
間中會有行燈經過, 起初怕下雨, 行燈用膠套套住.
燈祭分A、B、C三個會場, 行燈相撞會輪流在三個會場進行
19:45 燈祭開始, 到達C會場, 馬路兩旁已站滿人, 遠遠見到兩車相撞
走回A 會場, 上了有料收費席後的高地, 一場驟雨趕走了沒有雨傘遊人, 順利進駐有利位置, 睇得好清楚.
行燈相撞片段
21:00 打算離開, 臨走又見有太鼓表演
好熱鬧的一個夏祭, 遊人唔會太多, 值得一看! 個人覺得較祇園祭更佳, 祇園祭滿街是人, 看人多過看山鉾.
回到旭川, 原想吃一藏拉麵, 但太攰懶行, 貪方便在大路口吃幸樂苑
沒有留言:
張貼留言