爭取時間在Coral View的石邊浮潛, 石堆尾段都有片珊瑚, 仲有魔鬼魚, 雞泡, 更多的是nemo, 基本上整個停泊島都係nemo天下, 每游兩步便看見nemo踪影.
11:40, 結帳預備離開, 12:00準時開船, 同船共10位乘客, 全是Coral View住客, 不用到其他沙灘接人, 直駛往Kuala Besut, 又是30分鐘船程. 
一上碼頭已有司機問是否要的士, RM75到Kota Bharu 機場, OK, go~go~go!! 
50分鐘車程抵達機場, 寄行李之後尚有時間吃午餐, 但飯麵都係辣, 大小姐食唔到, 好彩入禁區後有杯麵賣.
Kota Bharu 機場冷氣好夠凍, 情況較LCCT佳, 但好奇怪, 全場無可樂賣, 只得local汽水, 禁區更連清水都無得賣.
14:50航班, 準時之餘仲早小小起飛, 一小時便降落LCCT, 買了的士票RM75直接往Novotel Hotel. 入市中心都幾遠, 約一小時車程, 還好差不多到酒店時司機醒目兜小路, 避開塞車.
17:00 check in, 酒店還好, 位置方便, 老牌但新裝修過, 水黃, 可能水管生銹無得醫. 用了hotelclub團購 coupon, 只需HK$340, 仲連幾好味的自助早餐, 抵到爆!
半隻火龍果, 出手太低喇~
第4次到吉隆坡, 要玩要睇都睇晒, 所以都係食下買下!幾次都食新峰, 今次轉一轉, 去了旭日肉骨茶~
呢窩3人份量, 配料溝淡左湯味, 但另外付上的一碗原味 (粉紅色細碗) 卻真材實料,合格!!
跟住行星光大道, Lot 10, BB Plaza, 金河, 無收穫又攰, 行街仲攰過游水!
頂到21:30去黃亞華宵夜, 最好味仍然是燒雞翼, 燒魔鬼魚水準大跌, 幫襯左4次,應該無下次架喇, 有都係外賣燒雞翼算!!
最後坐兩個站monorail回酒店, 純粹貪得意想坐.
沒有留言:
張貼留言