D5c 慶州市內古蹟

回到火車站, 租單車遊古蹟, 當時15:45, 老闆娘表示2小時5000won, 到19:00關門時間就7000won, 我地想先俾5000won, 如果超時就回來補足7000won, 老闆娘英文有限, 以為我地講價, 主動講18000won 3架車至19:00, 我地當然OK啦.


市內櫻花滿開.

先去大陵苑, 小山丘其實係新羅時期皇室貴族的墓地, 其中一個開放參觀, 要俾入場費,大小姐又驚, 所以在門口影張相就走左.



踩到古蹟群

瞻星台, 善德女王幫助農耕而建, 用作觀星及測定24節氣.


這邊亦有小山丘.

觀光小蟲蟲.



我地D座架, 好新好colourful.櫻花林前一片綠色是油菜花, 如果兩者同時間開花, 一定很美.

雞林


又一櫻花林


石冰庫, 即古代雪櫃.



夕陽下, 顏色好靚





再踩去雁鴨池.




天黑了, 要還車. 雖然雁鴨池晚上打燈會很美, 無緣一看.




慶州尚有許多景點, 例如新羅千禧公園, teddy bear museum, 古代兩班村落---良洞村, 所以不少人會在慶州住宿一晚.

18:40, 可以坐火車經機張, 海雲台到釜田站, 車程2小時, 我們則選擇到市外巴士站坐巴士回老圃, 打算如果太夜便到釜山大學站吃晚餐, 時間尚早便到西面吃.

火車站到外巴士站一條大直路, 步行10-15分鐘, 我們懶行又打的, 司機竟然兜了一個大圈, 激到爸爸開口話佢, 落車4300won, 其實段路唔洗跳標2800won即可.

19:10開車, 上車眠一眠, 20:05抵達老圃, 於是轉乘地鐵到西面晚餐.

東南燒肉, 西面9號出口大直路行前小小便到.

因為海雲台食唔到牛肋骨, 念念不忘, 今晚一定要吃.

先黎牛肋骨3份 (15000won x3)

侍應一捧牛肉上枱便手起刀落, 影張全相都唔得. 跟住就拿拿聲掃晒上爐, 想慢慢燒都唔得. 好多地方都係咁





再黎豬腩肉3份 (8000won x3)

燒乾身包生菜食; 第一晚donenu的五花肉處理過, 相對無咁肥膩.



韓國生菜無限提供, 我地好鍾意用生菜包燒肉, 日本淨食生菜都花費過百, 韓國生菜任食真好.

連埋飯, 燒酒共81000won.