D2a 鎮海—帝王山公園

3月29日, 一早起身, 今天要去鎮海賞花. 其實4月1日先去可以睇埋為期十日的軍港祭, 但櫻花已滿開, 都係睇花重要D.

酒店無訂早餐, 附近唔少咖啡店, 仲有麵包店.




連鎖店Tous Les Jours買包做早餐.韓國麵包幾好食, 有咬口.


行去1號口搭地鐵, 每朝都經過呢排櫻花樹, 見證由盛開到落櫻花雨. 



沙上站5號出口西部巴士站搭車, 大人5100won, 小童2600won. 班次好密, 買完票可以去17號閘口上車,車程約1小時15分, 有企位, 滿客無位可以等下一班.



開左無耐到河邊, 又一排櫻花樹.


到了鎮海, 落車影一影個車站, 回程時俾司機睇, 唔怕去錯地方.

整個鎮海都係櫻花

有人搬屋, 貨物用條梯升上去



第一站帝王山公園, 有纜車上,來回3000won, 選擇行百零級樓梯亦得. 我地當然坐纜車.





山上櫻花唔算多, 但開得好燦爛, 影左唔少close up.









另一條落山路

可以上鎮海塔睇風景, 有電梯上, 落就行樓梯, 底層有小型展覽館. 



軍港祭期間可以上軍艦參觀.

落山後先吃午餐, 無資料邊間好, 想吃石頭鍋飯, 搵左15分鐘都唔見,


呢間食冷麵店好多人, 地方亦企理, 於是入去.



隔離枱食緊咩, 照樣手指指…

大餃子, 每人夾走隻先記得影相.



肉餅, 夾生菜食, 好好味.

每人一碗冷麵, 太多, 麵好煙銀, 最終食唔晒.

飯後仲可以自己禁咖啡飲, 釜山都多食店都有咖啡機, 免費提供咖啡, 仲好好飲添.

呢餐35000won, 好滿足.



食完坐的士去慶和車站, 3000won.