D12b 前往華欣

中午12:00 check out, mememomo, 等porter 搬行李, 攪攪下, 12:45pm先到lobby, 1:30pm有車出碼頭, 食埋午餐又太趕, 於是四周影下相先~

到碼頭時路經Dolce Vita, 我地落車食午餐, 意大利藉老闆仲認得我地~




Home made pasta~



意大利雲吞, 都係home made, 好大隻~

2:45pm船班, 要先去counter check in拎貼紙. 隻船回春逢, 有D人會去春逢火車站, 有D去華欣, 最多返曼谷; 人同行李都要貼上貼紙, 唔同顏色代表去唔同地方, 差不多夠鐘就排隊上船~

準時開船, 5pm 抵達春逢碼頭, 上岸再check in 拎車飛及畫位, 架車分上下兩程, 最怕坐下層, 因為廁所嚮下層車尾, check in時員工話華欣乘客要坐下層(因為早D落車), 我話我容易travel sick, 要求上層, 最終都俾上層位, 但係最後一排, 起初都唔高興, 尾排震D 架麻, 但坐落就好開心, 因為座位可以較後平躺, 尾排比前面果D放得平好多~

好喇, 分批上車, 去春逢火車站開車先, 華欣,曼谷就開5:30pm~

上車就瞓! 8pm 埋休息站30分鐘, 好多旅客吃晚餐, 我地就快落車, 只吃了條香蕉~


記錯時間, 以為9pm到華欣, 原來是9:30pm, 但到9:30pm, 四周仲係一遍荒涼; 用手機check google map, 原來仲未到, 最後10:20pm 先到華欣, 點解遲咁多架, 一路都好順利架, 司機開得慢??!!

得我地和另一pair 落車, 其他人繼續行程回曼谷~

落車地點係大路口Phetchakasem Rd & Damnern Kasem Rd 交界, Colonnade Mall外, 但初到步, 東南西北都攪唔清, 問人邊度有餐廳, 指向斜對面有燈火的地方! 我地行入去, 穿過檔仔原來係酒吧街, 有好多餐廳營業, 行左陣, 決定呢間Na Na Place~

炒蜆, 有點細隻~



炒通菜爽口~

冬蔭功湯酸辣適中, 好好味~

D蝦大得誇張, 蝦肉大過匙更, 一碗有5隻~



大蝦炒河粉~



呢餐連汽水440b, 便宜又好食, 讚!讚!讚! 就在著名意大利餐廳La Grappa對面! Waitress亦好好人, 我地等貨車改裝既的士到酒店, 但等左好耐都係得三腳雞經過, waitress 竟然揸綿羊仔出路口幫我地叫車, 唔該晒~~

10分鐘車程200B抵達Devasom Resort, 凌晨12點先到, reception staff 已落班, 保安帶我地上房, check in 手續明天先攪~