9點準時在酒店集合, 同行仲有3大5小日本人, 坐架爽條去Discovery Beach Hotel對出的沙灘集合, 都係2-3分鐘, 行都行到, 跟住就係等, 等其他遊客, 45分鐘之後先上船, 開左一陣就停低, 仲有兩個客黎緊喎, 作死……
嚮個海拋下拋下, 跟住車埋玩降落傘的浮台, 但無人玩, 繼續拋下拋下, 10分鐘之後,終於有另一架快艇送左4個人黎, 可以向Hard Tien進發.
Hard Tien 尚算水清沙幼, 但魚就唔多喇, 坐抵就有人推銷按犘, 紋身, 水上活動, 我地做了foot massage, 玩了香蕉船和水上電單車, 游下水, hea下, 3點回程.
坐大船抵達的遊客, 要再轉呢款小船, 好有難民船feel!
回酒店先去泳池hea下, 以酒店的規模, 個池唔算大, sunbed排列很逼, 但採用infinity pool的設計, 又幾正.
黃昏我地又出外搵食, 今晚去Naklua間夢亞來, 雖然3rd Road都有間, 但聽聞Naklua間嚮海邊環境靚D. 去到已經很多人, 點了生蝦, 琵琶蝦, 燒魚(sea bass)咸蛋黃炒墨魚, 冬蔭公湯, 炒菜, 炒飯, 飲品, 19XXB, 好好食.
回程入了個local market買杧果, 門口有檔賣公仔pancake, 檔主會即席畫出公仔樣,大小姐選了比卡超, 好得意!
接住到了Central Festival Plaza 行街, 商場內的停車場泊左幾千架電單車, 好壯觀.
行完買完就去Royal Garden Plaza, 又行左陣街邊檔仔. 去swensens食9球雪糕.
食完再encore Central Pattaya Road的杧果糯米飯, 果度有兩檔, 都唔知邊間好, 買完先醒起, 應該每間都試下麻, 再買埋隔離檔蠔餅返酒店宵夜.
沒有留言:
張貼留言