今朝瞓到自然醒, 梳洗後去大堂book明天出海 local tour, 大人750B, 小朋友500B,坐快艇. 其實比Tim Leung貴, 但Tim要算大小姐大人價, 計埋都係貴50B, 貪方便酒店book埋算數.
去Beach Road租電單車, 見唔到車店, 問D揸電單車接客的人, 原來佢地就有車出租, 250B一日, 後來俾架新車, 行左400咪咋, 要300B, OK, 另加1000B按金及護照副本.
租完車已經11點幾, 去Central Pattaya Road搵間豬雜湯餐廳, 問左人又兜左兩三條街, 好不容易先搵到, 因為門口只得泰文名, 其實間店就在Central Pattaya Road, 位於張龍記與3rd Road中間. 豬雜湯果然好正, 配飯一流, 亦可以配米粉, 但配飯入味好多, 另外仲有豬肉, 肉碎, 魚片魚蛋, 魚片麻麻, 魚蛋就好爽口, 門口仲有炸物, 但無試.
Central Pattaya
Road和Sukhumit Road交界有間家樂福, 入面有swensens, 熱熱地,食杯雪糕先.
接著到Lakeland, 爸爸要玩cable ski, 500B一日 or 300B二小時, 都幾抵玩. 有D鬼佬玩得好pro.
睇左半個鐘, 悶悶地, 叫爸爸車我去行outlet, 大小姐寧願打機, 所以得我一個逛.
Outlet D野唔係咁靚, 又唔係平, 連隔離間Tesco都行埋, 好不容易先到5點, 爸爸回來pick up.
之後去水上市場, 一個新建的景點, 好多旅行團, 入面好遊客feel, 但D紀念品和小食都唔算貴, 地方都幾大. 我地行左30分鐘左右, 因為要趕在日落之前去中天食海鮮.
其實想去Srinuel Seafood or Preecha, 但搵唔到, 見中天海灘尾有間海鮮店都好多人, 望住個海, 環境都唔錯, 所以就嚮呢間食. 點了游水琵琶蝦, 蟹, 大頭蝦, 呢三樣隻隻都好大隻, 燒完點醬汁吃, 非常鮮甜, 另外點了炒菜和粉絲蝦煲, 加埋飲品2600B, 其實D野好平, 貴在隻蟹, 單隻蟹就1KG, 佔了1300B. 但真係食得好開心, 好鮮甜. 咁多日呢餐至正!
回程途經Central Pattaya Road, 去了買杧果糯米飯和燒雞脾做宵夜.
沒有留言:
張貼留言