D5 積丹、小樽、富良野肚臍祭

鱗晃莊早餐有一盤生猛海蝦，要自己剥殻，好鮮甜 。

早餐冇海膽，於是check out後到中村屋再食海膽丼，有赤海膽，又點了份有原隻海膽的套餐，好滿足，24000yen 。

食完後就揸車離開積丹，今天下雨，沿途逛逛海產店 。

余市柿崎商店，有乾貨及濕貨，蟹很便宜，買了一隻0.9 kg的長腳蟹只需3600yen，留作今晚宵夜 。

開往小樽午餐，起初打算去食Nishizuka に志づ可壽司，不過壽司店冇營業，改去鱗友朝市 。鱗友食堂非常多人等位，我們是最後一組，部分魚生經已售罄，所以都冇去食，買了袋元貝S size 500g 9000yen, 但包裝袋沒有寫生產商，另外一袋零食元貝4500yen，好韌，下次都是不買了 。

開車往三角市場，亦是非常多人，熱門店舖都排長龍，所以去了最尾那間較少人的惠比壽櫻，點了海鮮丼和一些刺身，質素就一般啦 , 9630yen。

完成了小樽食之旅，雨中開車往富良野 。快到達時開始天晴，今晚住民宿Hanafuji, 位於中富良野，中國人開，18平米雙床房加床，連早餐HK$1770，有點貴，但環境不錯，很新很乾淨，裝飾雅緻 。

Furano Marche 逛逛

19:00 富良野肚臍祭，好得意呀！但睇睇下落雨，雨中表演者還是很熱烈，表演大約1小時 。

散場後去居酒屋Irohanihoheto Furano いろはにほへと晚餐，富良野晚餐選擇不多，預先網上訂位，食物水準一般，9750yen 。

返去民宿，食埋今早買的長腳蟹做宵夜，雖然是急凍蟹，但非常鮮甜 。