今天租車, 原打算住五条附近, 於是選了Times清水五条分店.
和爸爸吃完東橫早餐後去拎車, 原打算在五条通搭巴士去, 第一架80號無上車, 唔知去唔去到, 82號竟停另一邊巴士站, 再等80號又要20分鐘後先有車, 最終都係行過去.
拿車後回東橫check out及接大小姐.
昨晚經過五条至七条段鴨川, 見櫻花盛開, 專程再去影相.
往市郊走.
毘沙門堂, 櫻花未開, 主要是借用洗手間.
附近山科疏水開得密D, 襯埋油菜花, 好靚, 很多婦女在寫生.
路過長次郎壽司午餐, 手握壽司、魚生好新鮮, 又點了一客lunch set, 大部分無影相, 共約7000yen.
下午到醍醐寺, 多花又8分開, 只看免費部分已經好多花, 可惜下微雨, 泊車一次1000yen, 我們只停留了1小時, 算來時鐘$70港元, 超貴.
路邊都有盛開的櫻花, 今次部戰車
今晚入住丹後間人港, 走高速公路都要2.5小時, 所以2時許便啟程.
Times 的GPS又廢廢地, 高速公路丹波段已通車又顯示唔到, 好彩跟路牌行無落高速.
5時前順利抵達間人港一望の宿海雲館, 一泊二食, 75400yen. 海雲館是小型旅館, 只得12間房, 其中8間有私人溫泉.
間房好大好正, 二間續, 仲有望海私人溫泉, 日落景色很美.
夕食是每人一隻活間人蟹, 可生吃, 燒或水煮, 適隨專便, 部屋食, 在房間享用.
間人蟹是松葉蟹之一, 在間人港附近海域捕穫, 故稱間人蟹. 間人蟹珍貴在產量小, 每年11月至3月才可捕捉, 只有5艘船 (協進丸、愛新丸、蓬萊丸、大有丸、海運丸) 有牌可出海, 我們就是吃協進丸的, 蟹身上有船名牌子.
蟹肉鮮甜, 蟹爪、蟹身、蟹羔都可生吃.
點了一瓶清酒
途中上埋蟹天婦羅
最後蟹湯煮粥
大滿足!
5時Check in 後就無出房門, 吃蟹浸私人溫泉, 正!
沒有留言:
張貼留言