Locoloco 蒸海鮮
位於新沙洞醬蟹一條街附近, 店內都幾多香港人! 海鮮套餐分中、大、特大, 玩左一日好肚餓, 3人點了特大 60000won, 另外點了刀削麵和珍露, 共67000won. 海鮮有鮑魚、帶子、大蜆、八爪魚, 好鮮味, 隻雞則較想像中細. 睇落清湯底, 其實係辣既, 叫左走辣都辣辣地, 湯內有好多辣椒絲, 要快手撈起.
馬場洞韓牛村
2月時已經去過, 自己去櫃台選牛肉, 質素有保證, 但今次有一份肉韌左D, 扣分, 3人份量加一碗冷麵共96000won
明洞韓燒오우가
除夕夜滑雪後隨便進入的一家, 在王妃家本店附近, 門口有三隻大煲, 多韓國食客, 2人點了4份不同款式牛肉, 包括一份韓牛扒, 肉質唔錯, 價格較馬場洞貴, 另有杏鮑菇、珍露和冷麵, 122000
won, 付款時見電腦顯示各枱收費, 我們算大客, 其他枱多數50000won以下, 主要吃五花豬肉、竹桶飯.
柳氏家炒雞
各處都有分店, 我們去24小時營業的明洞店. 3人點了2人份唯一唔辣的烤肉味鐵板雞, 另加雜錦麵條和芝士, 另外點了冷麵, 好飽肚! 約35000won.
馬鈴薯排骨湯
明洞店24小時營業, 作為深夜抵達首爾醫肚之選, 店內主要是韓國食客, 點了小窩馬鈴薯排骨湯加一份麵條, 走辣都辣辣地, 得4舊大骨好小肉, 另外一客砂鍋牛肉連白飯, 食完都係8成飽, 好無質感的一餐, 約40000won
忠武路豬腳店충무로조족발
位於Staz Hotel Myeongdong 2附近小巷, 路過隨便進入的一家, 第一次吃韓式豬腳, 味道唔算太濃, 但多吃很膩, 點了小份2人也吃不完, 蔥煎餅有驚喜, 很好吃, 加一枝珍露, 共38000won, 老闆娘好醒目, 主動加湯加生菜, 加分!
仁寺洞韓食店 인사동그집
Ssamziegil商場入口隔離小巷第一間店, 2時許還要排隊, 姑且一試. 入內見隔離枱食海鮮鍋飯, 餐牌又有兩個hit標籤, 故選了海鮮鍋飯, 另點一份海鮮煎餅. 海鮮鍋飯味道唔錯, 但走辣都辣, 使用急凍海鮮, 隻蟹麻麻地; 海鮮煎餅可說是海鮮煎蛋, 沒有麵粉, 好大份, 最終吃不完, 共480000won
雪冰설빙H
各處都有分店, 我們去明洞店, 招牌士多啤梨雪冰和杏仁年糕多士, 後者超好味, 此旅程最驚喜的食物.
同場加影街頭小食
沒有留言:
張貼留言