D2 那霸+中部

 首里城>>勝連城蹟>>海中之道>>泡瀨魚港>> sea wall >>酒店自助餐>>酒店室內池游水 (宿恩納 Hotel Monterey)

Daiwa Roynet張雙人床好好瞓, 但張sofa bed就好唔得, 瞓得好辛苦.

早餐幾豐富, 又好味, 酒店好新, 間房亦夠大, 整體上住得過.

  Check out 後去首里城, 好多大陸遊客.  只在外圍逛逛, 無俾錢入去睇室內部分.

跟住行勝連城蹟.

行海中之道, 錯過左海の駅 入口, 所以只是來回走左條橋影幾張相.

去到泡瀨漁港パヤオ食堂已經14:30, 食客唔多

點了這些, 8000yen 

海膽焗龍蝦加左價, 一隻要5000yen, 平日下午茶時段特價亦無左.

龍蝦好味, 但乾身左小小, 炸魚都OK, 蝦刺身鮮味, 三文魚不過不失, 但貝類及套餐的吞拿魚超唔掂, 雪味好重!

 飯後去了美國村附近sea wall, 爸爸帶了整套裝備wet suit及蛙鞋過黎打算浮潛, 可惜浪大又水退, 只可在潮澗帶行下, 岸邊都好多海洋生物, 連瀨尿蝦都有.

黃昏到恩納 Hotel Monterey Okinawa Spa & Resort  check in, 連住二晚, 一晚19500yen 一泊朝食, 包埋泊車, 室內游泳池及溫泉; 另一晚25110yen 一泊二食, 泊車, 室內游泳池及溫泉則唔包.

Monterey好新, 硬件好靚, 間房加左床仲好鬆動, 户户海景! 私人沙灘, chapel, 戶外游池有開, 但太凍無游. 唯一唔好係樣樣要另外收費, 泊車, 沙灘椅, 溫泉等如果package無包都要另付款.

匯合今天抵達的團友一家四口, 留在酒店吃自助餐, 但食物種類令人失望, 主要是熟食, 無蟹腳, 無魚生的自助餐都係第一次見, 食緊時團友已商量買杯麵宵夜.

飯後去了室內池游水, 好大好靚. 溫泉則連泳池更衣室, 同樣在一樓, 無景觀, 如果設於頂樓變展望風呂會好好多, 現時白白浪費無敵海景.

今晚宵夜, 有兩個傻人鬥食納豆.