D1 南山首爾塔>>新村>>弘大

紅眼機, 整晚無瞓, 抵達後坐6001號機場巴士往東大門東橫Inn, 用左1000won coupon, 每位13000won, 車程1.5小時, 又貴又耐, 勝在車到酒店門口, 坐車時又可以瞓, 補眠一小時, 咩都抵番晒.

辦好手續, 寄存行李. 酒店食埋早餐先起程. 都係日本東橫Inn典型食品, 但多左咖哩飯, 飯卷, 泡菜, 每日種類有小小唔同, 唔豐富但都可以填飽肚; 最唔掂杯咖啡, 得糖漿無奶, 飲唔到齋啡, 每日都要另買咖啡提神.

酒店對面有5號巴士到南山首爾塔. 先去GS25替T money卡增值.

約30分鐘車程抵達山頂, 好多旅行團.

都有D紅葉, 但今天好大煙霞, 沒有買票上展望台. 日間的首爾塔一D都唔靚, 如果唔係有小小紅葉陪襯, 會好失望.

纜車站隔離的步道下山, 白凡廣場一帶都幾靚.

落到底是會賢站, 坐地鐵到新村.

立食鐵桶牛, 下午2時還是有十幾人等位, 但流量快, 等了20分鐘入席. 

15000won一客的牛肋肉, 雖然好多人讚, 我就覺得一般般, 始終鍾意未yip的原味烤肉, 但呢個價格還是可以一試, 我地仲買了白飯帶去食, 店內點了啤酒, 汽水.

行去弘大, 途經咖啡王子一號店.

Thanks Nature Café 下午茶~ 

特色是店內兩隻小綿羊, 有名架, 叫 Elsa & Anna, 食埋Frozen條水.

弘大公園逛free market, 貨品都幾富特色.

晚餐吃詹姆斯芝士排骨, 店舖唔大, 未夠6時已經排長龍, 有櫈坐就排下啦, 等了45分鐘.

排骨辣辣地, 幾好味, 芝士要捲快D, 煮耐左好硬, 隔離枱4個女仔點2份, 食完加炒飯, 好似好好味. 我地2人就無辦法加飯喇, 28000won.

食完再在弘大逛逛便回酒店, 弘大愈夜愈熱鬧, 仲有街頭演唱, 後生仔女天堂.

瞓左一小時頂左一日, 覺得自己好勁!