D4 & 5 宜蘭、羅東

*********************************************************************

冒煙的石頭的早餐, 以會館規模算很豐富, 仲要好好味, 替昨晚失敗的晚餐挽回不少分數. 

仲有2007亞洲盃金牌「酒釀桂圓麵包」(桃園機場Hogan bakery 買了2010年世界冠軍麵包米釀荔香麵包, 都係覺得2007金牌酒釀桂圓麵包好食D.)

拿鐵拉埋花!! 但唔知點解, 食足全程只見我地一家6口, 其他住客去晒邊??

Check out後去宜蘭火車站探幾米

丟丟噹廣場

幾米廣場

火車站旁的舊日式建築

架車泊左路邊, 回去時已經11:10, 好彩無抄牌, 只係貼紙仔.

宜蘭正常鮮肉小籠包台灣排名第三, "正常"原本是兩兄弟一齊開, 後來分家, 弟弟店先註冊正常鮮肉小籠包, 哥哥只好將本店改名"正好", 唔知排名第三是指那一間, 一於兩間都試勻.

先去正好, 宜蘭市泰山路20-1號(光復國小斜對面), 一碟10隻只需TW$70, 好平! 和點水樓及鼎泰豐的做法唔同, 除了豬肉仲有好多蔥(三星蔥).

再試正常鮮肉小籠包, 宜蘭縣宜蘭市宜興路一段102號 (近宜蘭火車站), 兩間餡料一樣, 味道差不多, 但正常麵皮較厚, 各團友一致認為正好皮薄比較好吃.

再試另一老店, 信利號貓耳朵, 點了綜合米粉, 有1粒貓耳朵加10粒魚丸, 貓耳朵QQ, 魚丸就林林地, 湯底好好味.

下午前位於武荖坑的綠色博覽會 (3月29至5月18日), 閒日入場大人TW$150, 佈置得好靚, 會場幾大, 有golf cart接駁, 我們選擇行到最入再坐車回大門.

亮點是用貨櫃組成的樹屋, 可以入內攀爬. 

 另一亮點是開鑿雪山隧道的TBM, 有圖文介紹及專人解說, 增長不少知識.

16:00 水岸森林會館check in,  會館佔地很廣, 房間亦不少, 有一台灣團入住. 環境優美, 夏天可使用泳池.

右邊紫色棟2樓便是我們的房間, 左邊尚在建築中. 

 我們的星光房, 有天窗可以觀星, 4人樓中樓, 加床6人住, 連早餐約HK$1600.  露台外是魚池, 可餵魚.

 會館有單車免費借用, 我們又踩單車去了, 附近是綠悠悠的稻米田.

唔好以為水岸森林位置好偏僻, 其實開車到羅東夜市只需10分鐘.

晚餐到羅東市中心吃, 泊好車後遇上義豐蔥油餅, 買一份試試.

譚英雄麻辣火鍋, 任點任食, 每人約TW$500.  不過不失, 還是單點的店舖較好味.

逛羅東夜市, 大小姐和表弟又去玩彈珠機, 仲買了仙女棒回酒店玩. 

飲了檸檬愛玉冰, 吃了小春卜肉和魏姐包心粉圓, 都唔錯.

D5 吃了個無咩好食的早餐便開車到桃園, 今天星期六, 經雪山隧道時往宜蘭方向勁塞車, 車龍很長. 

先到桃園家樂福買黑橋牌香腸, 再到艾維士桃園店還車, 車店附近有麵店, 吃紅燒牛肉麵作午餐, 好平, 一碗只需TW$100, 份量足又好味.

還車後艾維士原車送我們到桃園機場, 車程只需5分鐘, 很方便. 

回程航班又delay, 仲要2小時, 每人賠TW$250餐券, 因為已吃午餐, 於是買了珍珠奶茶和小吃後, 其餘買了肉乾和麵包帶回港.

無咩行程, 食下hea下, 又5日. Bye bye台灣!!