D7 –D8 廣藏市場、明洞、梨大

由酒店行去廣藏市場約15分鐘

 先食著名的麻藥紫菜包飯, 魚糕都好好食; 

再食煎餅, 擺烏龍, 比較出名的綠豆餅竟然無食, 但豬肉煎餅都好好味,食完兩件仲再點多一件.

豬肉煎餅~

這款才是綠豆餅, 體積較大.

士多啤梨大大粒, 14000won一盒有點貴, 但都買左4盒做手信, 可惜好重又易壞, 下次都係唔好帶返香港.

鮮人蔘50000won/kg, 網上睇通常30000won/kg, 但呢款好粗, 又買1kg.

先回酒店捨貨.

大小時姐急不及待去乙支路入口站Lotte Young Plaza逛SM pop-up Store 和Styleanda, 再行明洞地下街買韓星周邊.

中午坐地鐵轉去梨大, 目標是孔陵一隻雞, 湯底好正, 雞肉就一般啦, 加了一份麵條, 最後再用湯底煮兩份粥, 粥好好味, 25000won, 仲飲埋兩杯免費咖啡先走, 好抵食.

 食完在梨大shopping

  

又到了梨大看看, 好漂亮的校園.

 15:00又回到明洞, 逛了金鐘雲的Why Style, Everysing, Spao, Korea Music Store, 滿足晒大小姐所有願望.

18:30又回酒店捨貨.

坐地鐵到馬場站食燒韓牛, 真係好正, 一個set 80000won, 有三款牛肉部位, 套餐仲包牛柏葉、牛潤、生牛肉; 連酒水飯共87000won, 整個旅程最正的一餐.

牛柏葉、牛潤都可以生食, 但我地無勇氣試, 均放上火烤;  

生牛肉就試左, 都OK.

下一站是建國大學站的Mouse Rabbit Café, 食韓牛時大小姐得知金鐘雲到了店內, 個心已經飛左去, 又擔心到達時金鐘雲已經走左, 所以一食完即刻飛的去.

一入Mouse Rabbit門口便見到金鐘雲, 大小姐開心到呢….我和爸爸到附近逛emart 超市入貨, 約好兩小時後接番佢. 

走時又在附近買了橋村炸雞外賣, 目的係送贈的SJ月曆和海報! 買了唔辣的醬油味, 雞是原隻切碎, 留到番酒店沖完涼執好行李先食, 都好好味, 唔錯! 唔錯! 

士多啤梨係尋晚買的一pack, 沒有廣藏市場買的大粒, 但都好甜.

D8 無行程, 食完早餐便起程往機場. 首尾呼應, 上2號線時又搭錯反方向列車, 拎住行李先走錯, 唉!

bye bye 首爾, 遲D再見!