一直未諗掂去八達嶺或慕田峪長城, 往八達嶺的火車9時太早, 11時又太遲, 搭巴士又怕搭錯冒牌車, 早上才決定去慕田峪.
坐地鐵至東直門站坐916快, 剛好有車, 即開. 單程RMB 12, 有交通卡只需RMB4.8.
45分鐘後下高速公路到懷柔區, 網上說於懷柔北大街/青春路/總站落車, 但落高速公路不久已經有白牌車司機在車站叫喊, 我們無落車, 打算遲D先, 過多兩個站, 巴士司機主動叫我地落車, 咁只好落車啦, 有位白牌女司機等客, 叫價RMB80, 最後RMB60(單程)成交, 架車都好新, 約20分鐘抵達慕田峪, 女司機仲話等埋我地走, 出發前最怕就是坐白牌車遇上黑司機, 尚幸安全無事.
入場RMB45,
索道上滑車落RMB80.
今天天氣晴朗, 長城上唔算凍, 行行下仲出汗. 慢慢走, 索道口走過纜車站, 最後到16台才往回走.
回到起點坐滑道落山, 車速唔快, 整條滑道好長, 好好玩. 逛長城總共花了4小時.
下山後吃水餃, RMB25一碟, 其實想吃水餃麵, 但北京吃水餃就是水餃, 麵就是麵, 唔會有水餃麵!
原本叫女司機送到總站搭巴士, 最後佢車我地到最近的車站, 有位坐就上車, 無位先去總站, 又幾好, 來回慳好多時間. 剛好有空位, 所以很快就回到東直門.
轉地鐵到前門站, 逛前門大街.
12月頭剛開了間韓國品牌spao,
由SJ 代言, 大小姐指定要逛, 睇中件大褸, 問收銀有咩贈品, 答498送SJ海報, 698送畫冊,
798送購物袋, 最後買左RMB698, 收銀全部禮品送齊, 連紙袋大中細都俾埋, 全部有SJ頭像, 大小姐開心到見牙唔見眼!
之後經大柵欄到德緣烤鴨吃晚餐, 幾多當地人吃, 餸菜好大碟, 最終食唔晒, RMB255.
烤鴨一隻, 鴨殼還可選擇煮湯或干炒
䓤燒海參蹄筋
呢款無記錯叫壇燒八味, 真身是上湯娃娃菜
芥末鴨掌
炸金曼頭
和大柵欄相對的鮮魚口街, 環境唔錯, 很多食店, 但可能太夜, 無咩客.
坐巴士回酒店, 路經正陽門、毛澤東紀念堂、人民大會堂、人民英雄紀念碑, 一D耳熟能詳的地方, 地方實在太大, 在車上看看就好.
落車點在東華門夜市附近, 於是順道逛逛,
講真, 買黎食就唔會, 眼見都係得三兩遊客買.
沒有留言:
張貼留言